ഇന്ത്യന്‍ പ്രധാനമന്ത്രി മാന്യനായ ജനാധിപത്യവാദിയാണെന്നു പറയാന്‍ അങ്ങു ഭരിച്ച നീണ്ട നാളുകളില്‍ ഒരു ദിവസമെങ്കിലും ഞങ്ങള്‍ക്ക് അവസരം തരൂ; പ്രധാനമന്ത്രിയെ വിമർശിച്ച് സുപ്രീം കോടതി അഭിഭാഷക
പ്രകടനാത്മകമായ സവിശേഷതകളില്‍ പ്രധാനമന്ത്രി നരേന്ദ്രമോദി പലപ്പോഴും ഹിറ്റ‌ലര്‍ക്കു പല പടികള്‍ മുകളിലാണെന്നും, അസത്യ പ്രചരണത്തില്‍ അണികള്‍ ഗീബല്‍സിനു മീതെയുമാണെന്നും സുപ്രീം കോടതി അഭിഭാഷക രശ്മിത രാമചന്ദ്രന്‍. ഫേസ്ബുക് പോസ്റ്റിലൂടെയാണ് രശ്മിത മോദിയേയും അഡോള്‍ഫ് ഹിറ്റ്‌ലറെയും പരസ്പരം താരതമ്യം ചെയ്തത്.
മോദിയില്‍ നിന്ന് ജനങ്ങള്‍ പ്രതീക്ഷിക്കുന്നത് പണ്ഡിറ്റ് നെഹ്റുവിന്റെ സുതാര്യതയും മാന്യതയുമാണെന്നും അതു കൊണ്ട് തുരങ്കങ്ങള്‍ ഉപേക്ഷിച്ച്‌ ജനമദ്ധ്യത്തിലേക്കു വരാനും രശ്മിത കുറിപ്പിലൂടെ പറയുന്നു. ഏകപക്ഷീയമായ മങ്കീ ബാത്തിന്റെ റേഡിയോ പ്രക്ഷേപണങ്ങള്‍ വിട്ട് ജനാധിപത്യ സംവാദങ്ങള്‍ സാധ്യമാക്കണമെന്നും അവര്‍ കുറിച്ചു.
ഫേസ്ബുക്ക് പോസ്റ്റിന്റെ പൂര്‍ണ്ണരൂപം
പ്രിയ പ്രധാനമന്ത്രീ,
അമ്ബരപ്പിലാണ് ഞങ്ങള്‍. അത്രമാത്രമുണ്ട് നിങ്ങള്‍ക്ക് വ്യക്തിപരമായി അഡോള്‍ഫ് ഹിറ്റ്ലറിനോടും നിലവിലുള്ള കേന്ദ്ര ഭരണകൂടത്തിന് നാസി ഭരണകൂടത്തിനോടുമുള്ള സാമ്യങ്ങള്‍! പ്രകടനത്മകമായ സവിശേഷതകളില്‍ താങ്കള്‍ പലപ്പോഴും ഹിറ്റ്ലര്‍ക്കു പല പടികള്‍ മുകളിലാണ്. അസത്യ പ്രചരണത്തില്‍ നിങ്ങളുടെ അണികള്‍ ഗീബല്‍സിനു മീതെയും. ജ്യൂവിഷ് പ്രശ്നം = ഇസ്ലാമിക് പ്രശ്നം, ന്യൂ റംബര്‍ഗ് പൗരത്വ നിയമം = CAA , ഗീബല്‍സിയന്‍ റേഡിയോ = മന്‍ കീ ബാത്ത്,ജൂത പീഡന നാസി ടാക്സ് നിയമം = ടാക്സിംഗ് സ്റ്റാറ്റ്യൂട്ടുകള്‍ ഇന്ത്യയില്‍ അവ ഞ്ചിംഗ് സ്റ്റാറ്റിയൂട്ടുകള്‍ ആകുന്നു.... ഒടുവിലിതാ ജനത്തെ ഭയന്ന് വീട്ടില്‍ നിന്ന് പാര്‍ലമെന്‍റ് വരെ തുരങ്കവും! ഹിറ്റ്ലറുടെ ഭൂഗര്‍ഭ ബങ്കറും നിവൃത്തിയില്ലാതെ അവിടെ നടര്‍ത്തിയ ആത്മഹത്യയും പ്രഖ്യാതമാണല്ലോ? ജനത്തെ നേരിടാന്‍ കരുത്തില്ലാതെ നിങ്ങള്‍ തുരങ്കത്തില്‍ അഭയം തേടുമ്ബോള്‍ ഇല്ലാതാകുന്ന ചീത്തപ്പേര് പ്രക്ഷുബ്ദ്ധമായ ജനത്തെ ഭയന്ന് പര്‍ദ്ദയിട്ട് ലാഹോറിലെത്തിയ മുഹമ്മദാലി ജിന്നയുടെത് മാത്രമാണ്. ഞങ്ങള്‍ നിങ്ങളില്‍ നിന്ന് പ്രതീക്ഷിക്കുന്നത് പണ്ഡിറ്റ് നെഹ്റു വിന്റെ സുതാര്യതയും മാന്യതയുമാണ്. അതു കൊണ്ട് തുരങ്കങ്ങള്‍ ഉപേക്ഷിച്ച്‌ ജനമദ്ധ്യത്തിലേക്കു വരൂ, ഏകപക്ഷീയമായ മങ്കീ ബാത്തിന്റെ റേഡിയോ പ്രക്ഷേപണങ്ങള്‍ വിട്ട് ജനാധിപത്യ സംവാദങ്ങള്‍ സാധ്യമാക്കൂ..... ഇന്ത്യന്‍ പ്രധാനമന്ത്രി മാന്യനായ ജനാധിപത്യവാദിയാണെന്നു പറയാന്‍ അങ്ങു ഭരിച്ച നീണ്ട നാളുകളില്‍ ഒരു ദിവസമെങ്കിലും ഞങ്ങള്‍ക്ക് അവസരം തരൂ.
https://www.facebook.com/Malayalivartha
