മദ്യത്തിനും കാവല്‍... ദേശീയ ലോക്ക് ഡൗണിന്റെ പശ്ചാത്തലത്തില്‍ ബിവറേജസ് ഗോഡൗണുകള്‍ക്ക് സുരക്ഷ ശക്തമാക്കണമെന്ന് ബെവ്കോ
മദ്യത്തിന് കാവല്‍... ദേശീയ ലോക്ക് ഡൗണിന്റെ പശ്ചാത്തലത്തില്‍ ബിവറേജസ് ഗോഡൗണുകള്‍ക്ക് സുരക്ഷ ശക്തമാക്കണമെന്ന് ബെവ്കോ . വാറ്റ്, കോട, ചാരായം, കള്ള്, മിലിട്ടറി എന്ത് പേരിലും വ്യാജന്‍മാര്‍ ഇറങ്ങിയേക്കാം. പൂട്ടണം മണിച്ചിത്രത്താഴിട്ട് പൂട്ടണം. ഒരു വശത്ത് ബാറുകളും ബിവറേജസും കളളുഷാപ്പുമൊന്നുമില്ല. വലിയ ജാഗ്രതയാണ് സര്‍ക്കാര്‍ കാണിച്ചത്. അതേസമയം സാമൂഹിക പ്രത്യാഘാതങ്ങള്‍ വന്നേക്കാം. കഴിഞ്ഞ ദിവസങ്ങളിലെ ആത്മഹത്യ ഒരു സൂചനയാണ്. മാത്രവുമല്ല മദ്യം കിട്ടാത്തതിനാല്‍ പ്രശ്നങ്ങളുള്ളവര്‍ അടിയന്തിരമായി ആരോഗ്യവിദഗ്ധരെ കാണണമെന്നുള്ള വലിയ മുന്നറിയിപ്പ് സംസ്ഥാനം നല്‍കി കഴിഞ്ഞു. അതോടൊപ്പം തന്നെ ഡി അഡിക്ഷന്‍ സെന്ററുകളടക്കം ശക്തിപ്പെടുത്തുന്ന നടപടിയുമായി മുന്നോട്ട് പോകുമെന്ന് എക്സൈസ് മന്ത്രിയും പറഞ്ഞിരുന്നു. ഇപ്പോഴിതാ മദ്യത്തിന് കാവല്‍ ഏര്‍പ്പെടുത്തുന്നു. പക്ഷെ അതോടൊപ്പം തന്നെ വ്യാജന്‍മാരെയും കരുതിയിരിക്കണം. ദേശീയ ലോക്ക് ഡൗണിന്റെ പശ്ചാത്തലത്തില്‍ ബിവറേജസ് ഗോഡൗണുകള്‍ക്ക് സുരക്ഷ ശക്തമാക്കണമെന്ന് ബെവ്കോ വ്യക്തമാക്കികഴിഞ്ഞു. ഇതും ഒരു സൂചനയാണ്. കുത്തിത്തുറപ്പും മോഷണവും വരെ വന്നേക്കാം. വലിയ സാമൂഹ്യ വിപത്തായി മാറിയേക്കാം.
സംസ്ഥാനത്ത് മദ്യവില്‍പന നിര്‍ത്തിവച്ച സാഹചര്യത്തില്‍ ബെവ്കോ ഗോഡൗണുകളിലും പരിസരത്തും സുരക്ഷ കര്‍ശനമാക്കേണ്ടതുണ്ട്. പല ഗോഡൗണുകള്‍ക്ക് പുറത്തുള്ള വാഹനങ്ങളിലും മദ്യവുമായി വന്ന വാഹനങ്ങള്‍ കിടപ്പുണ്ട്. ഈ വാഹനങ്ങളില്‍ നിന്നും ലോഡുകള്‍ മോഷ്ടിക്കപ്പെടാന്‍ സാധ്യതയുണ്ട്.
ഗോഡൗണുകളില്‍ സ്ഥലമില്ലാത്തതിനാല്‍ മദ്യം ഇറക്കി വയ്ക്കാനും സാധിച്ചിട്ടില്ലെന്ന് ബെവ്കോ എംഡിയുടെ കത്തില്‍ പറയുന്നു. മദ്യം ലഭിക്കാത്ത സാഹചര്യത്തില്‍ സ്ഥിരം മദ്യപാനികള്‍ പലരും കടുത്ത അസ്വസ്ഥത നേരിടുന്ന സാഹചര്യത്തില്‍ ഗോഡൗണുകളിലും മദ്യവുമായി വന്ന വണ്ടികളിലും മോഷണം നടക്കാനുള്ള സാധ്യത എംഡി കത്തിലൂടെ വിശദീകരിക്കുന്നു. ഈ സാഹചര്യത്തില്‍ ബെവ്കോ മദ്യവില്‍പനശാലകളില്‍ പൊലീസ് നിരീക്ഷണവും പട്രോളിംഗും ശക്തമാക്കണമെന്നും എംഡി ആവശ്യപ്പെടുന്നു. ബിവറേജസ് ഗോഡൗണുകളിലേക്ക് കൊണ്ടു വന്നിട്ടും ഇറക്കാന്‍ സാധിക്കാത്ത മദ്യം എത്രയും പെട്ടെന്ന് മദ്യകമ്പനികള്‍ തിരികെ കൊണ്ടു പോകണമെന്നും ബെവ്കോ എംഡി നിര്‍ദേശിച്ചിട്ടുണ്ട്. ഇക്കാര്യത്തില്‍ വിതരണക്കാര്‍ അടിയന്തര നടപടി സ്വീകരിക്കണമെന്നും ലോക്ക് ഡൗണ്‍ തീരും വരെ കമ്പനികള്‍ സ്വന്തം ?ഗോ?ഡൗണുകളില്‍ മദ്യം സൂക്ഷിക്കണണെന്നും ബെവ്കോ എംഡി ആവശ്യപ്പെടുന്നു. അതിനിടെ കൊല്ലം കുണ്ടറയില്‍ യുവാവ് ആത്മഹ്യ ചെയ്തത് മദ്യംലഭിക്കാത്തതിനെ തുടര്‍ന്നാണെന്ന് സൂചന. കുണ്ടറ എസ്‌കെ ഭവനില്‍ സുരേഷിനെയാണ് തൂങ്ങി മരിച്ച നിലയില്‍ കണ്ടെത്തിയത്. സ്ഥിരം മദ്യപാനിയായ ഇയാള്‍ രണ്ട് ദിവസമായി മദ്യം കിട്ടാത്തതിനെ തുടര്‍ന്ന് കടുത്ത മാനസിക വിഭ്രാന്തിയിലായിരുന്നു. ആലപ്പുഴയില്‍ വഴിയോരത്ത് ഒരു വൃദ്ധനെ മരിച്ച നിലയില്‍ കണ്ടെത്തിയ സംഭവത്തിലും മദ്യക്ഷാമം തന്നെയാണ് വില്ലനായത് എന്നാണ് സൂചന.
"
https://www.facebook.com/Malayalivartha
