കൊടുമണില്‍ പത്താംക്ലാസുകാരന്റെ കൊലപാതകത്തില്‍ പിടിയിലായ കുട്ടികൾ പതര്‍ച്ചയില്ലാതെ തെല്ലും കുറ്റബോധമില്ലാതെ കൊ​ല്ലം ജു​വ​നൈ​ല്‍ ഹോ​മി​ല്‍. അതേസമയം കൊ​ല​പാ​ത​കത്തിൽ അ​ന്വേ​ഷ​ണ സം​ഘത്തെ വി​പു​ലീ​ക​രിച്ചിരിക്കുകയാണ്. അ​ടൂ​ര്‍ ഡി​വൈ​എ​സ്പി ജ​വ​ഹ​ര്‍ ജ​നാ​ര്‍​ദി​നാ​ണ് ചു​മ​ത​ല. ഏ​നാ​ത്ത് സി​ഐ ജ​യ​കു​മാ​ര്‍, കൂ​ട​ല്‍ എ​സ്‌ഐ എ​സ്.​ആ​ര്‍. സേ​തു​നാ​ഥ്, കോ​ന്നി എ​സ്‌ഐ വി.​എ​സ്. കി​ര​ണ്‍ എ​ന്നി​വ​രാ​ണ് അ​ന്വേ​ഷ​ണ സം​ഘ​ത്തി​ലു​ള്ള​ത്.

ക​ഴി​ഞ്ഞ ദി​വ​സം കൊ​ടു​മ​ണ്‍ എ​സ്‌എ​ച്ച്‌ഒ ശ്രീ​കു​മാ​റി​ന്‍റെ നേ​തൃ​ത്വ​ത്തി​ല്‍ കൊ​ല്ലം ജു​വ​നൈ​ല്‍ ഹോ​മി​ല്‍ എ​ത്തി കു​റ്റാ​രോ​പി​ത​രാ​യ കു​ട്ടി​ക​ളു​ടെ മൊ​ഴി രേ​ഖ​പ്പെ​ടു​ത്തി​യി​രു​ന്നു. ഇ​വ​രു​ടെ ര​ക്ത സാ​മ്ബി​ളും വി​ര​ല​ട​യാ​ള​വും എ​ടു​ത്തി​രു​ന്നു.

ക​സ്റ്റ​ഡി​യി​ലെ​ടു​ത്ത സ​മ​യ​ത്ത് പ​റ​ഞ്ഞ​തി​ല്‍നി​ന്നു വ്യ​ത്യ​സ്ത​മാ​യ മ​റ്റൊ​രു മൊ​ഴി​യും അ​ന്വേ​ഷ​ണ ഉ​ദ്യോ​ഗ​സ്ഥ​നോ​ട് പ​റ​ഞ്ഞ​താ​യാ​ണ് സൂ​ച​ന. ഇ​ത് അ​ന്വേ​ഷ​ണ​സം​ഘം പ​രി​ശോ​ധി​ക്കു​ന്നു. സം​ഭ​വ​ത്തി​ല്‍ ഊ​ര്‍​ജി​ത അ​ന്വേ​ഷ​ണ​വു​മാ​യി മു​ന്നോ​ട്ട് പോ​കാ​നാ​ണ് പു​തി​യ അ​ന്വേ​ഷ​ണ സം​ഘ​ത്തി​ന്‍റെ തീ​രു​മാ​നം. സം​ഭ​വ​സ്ഥ​ല​ത്ത് പ്രാ​യ​പൂ​ര്‍​ത്തി​യാ​കാ​ത്ത കു​ട്ടി​ക​ളെ കൊ​ണ്ട് മൃ​ത​ദേ​ഹം മൂ​ടി​യ മ​ണ്ണ് മാ​റ്റി​ച്ച​ത് ബാ​ലാ​വ​കാ​ശ ക​മ്മീ​ഷ​ന്‍റെ ശ്ര​ദ്ധ​യി​ല്‍​പ്പെ​ടു​ക​യും റി​പ്പോ​ര്‍​ട്ട് ആ​വ​ശ്യ​പ്പെ​ടു​ക​യും ചെ​യ്തി​രു​ന്നു.

ഇ​തേത്തു​ട​ര്‍​ന്ന് അ​ടൂ​ര്‍ ആ​ര്‍​ഡി​ഒ​യും ത​ഹ​സീ​ല്‍​ദാ​റും സ്ഥ​ലം സ​ന്ദ​ര്‍​ശി​ച്ച്‌ ക​ള​ക്ട​ര്‍​ക്ക് റി​പ്പോ​ര്‍​ട്ട് ന​ല്‍​കി​യി​രു​ന്നു. പ്ര​തി​ക​ളെ കൊ​ണ്ട് മ​ണ്ണ് മാ​റ്റി​ച്ച വീ​ഡി​യോ പോ​ലീ​സി​ല്‍ ത​ന്നെ​യു​ള്ള​വ​ര്‍ പ്ര​ച​രി​പ്പി​ച്ച​താ​യാ​ണ് പ​റ​യു​ന്ന​ത്. ഈ ​സം​ഭ​വം പോ​ലീ​സി​ലും ചേ​രി​തി​രി​വി​ന് ഇ​ട​യാ​ക്കി​യി​ട്ടു​ണ്ട്.

അതേസമയം കുട്ടികളുടെ ആദ്യ മൊഴി വളരെ കടുത്തതായിരുന്നു. അഖിലിനെ കല്ലെറിഞ്ഞതും മരണപ്പെട്ടോ എന്നറിയാന്‍ ശ്വാസംനോക്കിയതും ശരീരത്തില്‍ മുറിവുണ്ടാക്കാന്‍ തീരുമാനിച്ചതും കുട്ടികളില്‍ ഒരാള്‍തന്നെ. മാരകായുധവുമായി കഴുത്തിന് വെട്ടുമ്പോള്‍ കണ്ണടച്ചിരുന്നെന്ന് കുട്ടിക്കൊലയാളികളില്‍ ഒരാള്‍ പോലീസിനോട് പറഞ്ഞു. വെട്ടിയപ്പോള്‍ രക്തം പുറത്തേക്ക് വന്നതുകണ്ട് ഒരു കുട്ടി തളര്‍ന്നിരുന്നു.

പിന്നീട് ധൈര്യം പകര്‍ന്ന് മൃതശരീരത്തില്‍ മണ്ണിട്ടാല്‍ ഉണ്ടാകുന്ന കാര്യങ്ങള്‍ ബോധ്യപ്പെടുത്തി. പിന്നീടാണ് രണ്ടുപേരുംകൂടി മൃതദേഹം വലിച്ചിഴച്ച് കുറ്റി ക്കാട്ടിലേക്ക് കൊണ്ടുപോയത്. മൊബൈല്‍ ഒന്നുരണ്ടു ദിവസത്തേക്ക് തരണമെന്നും കുട്ടികളില്‍ ഒരാള്‍ നിരന്തരം അഖിലിനോട് ആവശ്യപ്പെട്ടിരുന്നു. ഈ ഫോണിലെ ചിത്രങ്ങള്‍ കാണുന്നതിനാണ് ഫോണ്‍ ചോദിച്ചതെന്നാണ് പോലീസ് പറയുന്നത്.

അതേസമയം പിടിയിലായ കുട്ടികളുടെ ജാമ്യാപേക്ഷയും ഇവരെ കസ്റ്റഡിയില്‍ വിട്ടുകിട്ടണമെന്ന പോലീസിന്റെ ആവശ്യവും പത്തനംതിട്ട ജുവനൈല്‍ കോടതി തള്ളിയിരുന്നു. പിടിക്കപ്പെട്ടവരുടെ വിരലടയാളം, രക്തസാമ്പിള്‍ എന്നിവ ശേഖരിക്കാനും കൊല്ലാനുപയോഗിച്ച കല്ലുള്‍പ്പെടെയുള്ളവ കണ്ടെടുക്കാനുമാണ് പോലീസ് ഇരുവരേയും കസ്റ്റഡിയില്‍ ആവശ്യപ്പെട്ടത്. േപ്രാസിക്യൂഷന് വേണ്ടി പബ്ലിക് പ്രോസിക്യൂട്ടര്‍ കല ഹാജരായി.

കുട്ടികളെ കസ്റ്റഡിയില്‍ വിടുന്നതിനെ, അവര്‍ക്കായി ഹാജരായ അഭിഭാഷകര്‍ എതിര്‍ത്തു. ആയുധം കണ്ടെടുക്കുകയും അന്വേഷണം പൂര്‍ത്തീകരിക്കുകയും ചെയ്തതാണെന്നായിരുന്നു വാദം. കൂടാതെ, കൊലപാതകസ്ഥലത്തെ ദൃശ്യങ്ങള്‍ മൊബൈല്‍ ഫോണില്‍ പിടിക്കാനും പ്രചരിപ്പിക്കാനും കൂട്ടുനിന്ന പോലീസിന്റെ കസ്റ്റഡിയിലേക്ക് ഇരുവരേയും വീണ്ടും വിടുന്നത് സുരക്ഷിതമല്ലെന്നും അവര്‍ വാദിച്ചു.

കസ്റ്റഡിയപേക്ഷ നല്‍കിയിരിക്കുന്ന അന്വേഷണ ഉദ്യോഗസ്ഥര്‍ ഈ വിഷയത്തില്‍ ബാലാവകാശ കമ്മിഷന്റെ വിമര്‍ശനങ്ങള്‍ക്ക് വിധേയമായതും അഡ്വ. പ്രശാന്ത് വി. കുറുപ്പ്, അഡ്വ. ബി. അരുണ്‍ദാസ് എന്നിവര്‍ ചൂണ്ടിക്കാട്ടി. തുടര്‍ന്ന്, ജസ്റ്റിസ് രശ്മി ബി. ചിറ്റൂര്‍ പോലീസിന്റെ അപേക്ഷ തള്ളുകയായിരുന്നു. പിടിയിലായവര്‍ കൊല്ലം ജുവനൈല്‍ ഹോമില്‍ നിരീക്ഷണത്തിലാണ്.