പ്രതിപക്ഷ നേതാവ് രമേശ് ചെന്നിത്തല കോവിഡുമായി ബന്ധപ്പെട്ട് പ്രവാസി സംഘടന നേതാക്കളെ വിളിക്കുന്ന വീഡിയോ ദൃശ്യം പുറത്തു വന്നതിന് ശേഷം തന്നെ സമൂഹമാധ്യമങ്ങളിലൂടെ അപമാനിക്കുന്നു... മുഖ്യമന്ത്രിക്ക് പരാതി നല്‍കി ഉസ്മാന്‍
സമൂഹമാധ്യമങ്ങളിലൂടെ തന്നെ അപമാനിക്കുന്നുവെന്ന് ചൂണ്ടിക്കാട്ടി ഖത്തര്‍ പ്രവാസിയും ഇന്‍കാസ് സംഘടന നേതാവുമായ കെകെ ഉസ്മാന്‍ മുഖ്യമന്ത്രിക്ക് പരാതി നല്‍കി.
പ്രതിപക്ഷ നേതാവ് രമേശ് ചെന്നിത്തല കോവിഡുമായി ബന്ധപ്പെട്ട് പ്രവാസി സംഘടന നേതാക്കളെ വിളിക്കുന്ന വീഡിയോ ദൃശ്യം പുറത്തു വന്നതിന് ശേഷം ഉസ്മാനെ പരിഹസിക്കുന്ന രീതിയില്‍ നിരവധി പോസ്റ്റുകളാണ് സമൂഹമാധ്യമങ്ങളില്‍ പ്രത്യക്ഷ്യപ്പെത്.
ഖത്തറിലെ കോണ്‍ഗ്രസ് അനുകൂല പ്രവാസി സംഘടനയായ ഇന്‍കാസിന്റെ സ്ഥാപക നേതാവായ ഉസ്മാന്‍ വര്‍ഷങ്ങളായി ഖത്തറില്‍ ജോലിചെയ്യുന്നയാളാണ്.
തന്നെ രമേശ് ചെന്നിത്തല ഫോണില്‍ വിളിച്ചിരുന്നുവെന്നും അതിന്റെ രേഖകള്‍ ഹാജരാക്കാന്‍ തയ്യാറാണെന്നും ഉസ്മാന്‍ നേരത്തെ തന്നെ പറഞ്ഞിരുന്നു
ഗര്‍ഭിണിയായ മകളോടൊപ്പം ഖത്തറില്‍ നിന്നും നെടുമ്ബാശേരിയിലേക്ക് പുറപ്പെട്ട ആദ്യ വിമാനത്തില്‍ കെകെ ഉസ്മാന്‍ നാട്ടിലെത്തിയിരുന്നു.
https://www.facebook.com/Malayalivartha
