കൊവിഡ് പ്രതിരോധത്തിനിടെ മഴക്കാലപൂര്‍വശുചീകരണം പാളി. സംസ്ഥാനത്ത് ഡെങ്കിപ്പനി ശക്തമാകുന്നു. മഴ തകര്‍ത്ത് പെയ്തതോടെ സംസ്ഥാനത്ത് ഡെങ്കിപ്പനി ശക്തമാകുന്നു. 10 ദിവസത്തിനിടെ ചികിത്സ തേടിയവരില്‍ 47 പേര്‍ക്ക് രോഗം സ്ഥിരീകരിച്ചപ്പോള്‍ 432 പേര്‍ക്ക് രോഗം സംശയിക്കുകയാണ്. 22 പേര്‍ക്ക് എലിപ്പനിയും സ്ഥിരീകരിച്ചു. കൊവിഡ് പ്രതിരോധത്തിനിടെ മഴക്കാലപൂര്‍വശുചീകരണം പാളിയതാണ് ഡെങ്കിപ്പനി പടരാന്‍ കാരണമായത്.

ഡെങ്കിപ്പനിക്കെതിരെ അതി ജാഗ്രത വേണമെന്ന് ആരോഗ്യമന്ത്രി കെ.കെ ശൈലജ പറഞ്ഞു. സംസ്ഥാനത്ത് ഇന്നശയിക്കുന്നു . കൊല്ലത്ത് ഏഴ് പേര്‍ക്ക് രോഗം സ്ഥിരീകരിച്ചു. കാസര്‍കോട് 19 പേര്‍ക്കും പത്തനംതിട്ടയില്‍ ഏഴുലെ മാത്രം ചികിത്സതേടിയവരില്‍ 12 പേര്‍ക്ക് ഡെങ്കിപ്പനി സ്ഥിരീകരിച്ചപ്പോള്‍ 46 പേര്‍ക്ക് രോഗം സംപേര്‍ക്കും ഡെങ്കിപ്പനി സംശയിക്കുന്നുണ്ട്. 10 ദിവസത്തിനിടെ 47 പേര്‍ക്ക് ഡെങ്കിപ്പനി സ്ഥിരീകരിച്ചപ്പോള്‍ 437 പേര്‍ ലക്ഷണങ്ങളോടെ ചികിത്സയിലാണ്.ലോക്ക് ഡൗണില്‍ പ്രവര്‍ത്തനം നിലച്ച തോട്ടങ്ങളിലും കൃഷി സ്ഥലങ്ങളിലും കൊതുക് പെരുകി. 10 ദിവസത്തിനിടെ 22 പേര്‍ക്ക് എലിപ്പനിയും സ്ഥിരീകരിച്ചു. 52 പേര്‍ക്ക് രോഗം സംശയിക്കുന്നു. മൂന്നുപേരുടെ മരണം എലിപ്പനി ലക്ഷണങ്ങളോടെയാണ്. മഴക്കാലമായതോടെ ചിക്കന്‍ഗുനിയ , എച്ച് വണ്‍ എന്‍ വണ്‍ തുടങ്ങിയ പകര്‍ച്ചവ്യാധികളും വര്‍ദ്ധിക്കുമെന്ന് വിദഗ്ധര്‍ മുന്നറിയിപ്പ് നല്‍കുന്നു.

2017 ലാണ് കേരളത്തില്‍ ഏറ്റവും കൂടുതല്‍ ആളുകളില്‍ ഡെങ്കിപ്പനി ഉണ്ടായത്. ഔദ്യോഗിക വിവരങ്ങള്‍ പ്രകാരം ഇരുപതിനായിരത്തില്‍ കൂടുതല്‍ പേരാണ് ഡെങ്കിപ്പനിക്ക് ചികിത്സ തേടിയത്. 165 പേര്‍ മരണപ്പെട്ടു. ലോകത്താകമാനം നൂറ് രാജ്യങ്ങളില്‍ ഡെങ്കി ബാധിക്കാറുണ്ട്. ഓരോ വര്‍ഷവും നൂറു മുതല്‍ നാനൂറ് മില്യണ്‍ വരെ ഡെങ്കി വൈറസ് ബാധ ലോകത്ത് ഉണ്ടാകാറുണ്ടെന്നാണ് ലോകാരോഗ്യസംഘടനയുടെ കണ്ടെത്തല്‍.
അഞ്ച് തരത്തിലുള്ള ഡെങ്കി വൈറസുകളാണുള്ളത്. അഞ്ചാമത്തെ വൈറസിനെ 2013ലാണ് വേര്‍തിരിച്ചെടുത്തത്. ഇത് കേരളത്തില്‍ ഇതുവരെ കണ്ടെത്തിയിട്ടില്ല. ഡെങ്കിപ്പനിക്ക് കൃത്യമായ ചികിത്സയില്ല. രോഗലക്ഷണങ്ങള്‍ കണ്ടെത്തി അവ കുറയ്ക്കാനുള്ള ചികിത്സയാണ് നല്‍കുന്നത്.
ഡെങ്കിക്ക് അഞ്ച് സ്റ്റേജുകളാണുള്ളത്. ഇതില്‍ ആദ്യ മൂന്നു സ്റ്റേജുകളില്‍ ഒ.പി. വഴിയുള്ള ചികിത്സ മതിയാകും. ആശുപത്രിയില്‍ കിടക്കേണ്ടി വരില്ല. പനി കുറയ്ക്കാനുളള പാരസെറ്റമോള്‍, പേശീവേദന, സന്ധിവേദന എന്നിവ കുറയ്ക്കാനുള്ള മരുന്നുകള്‍ എന്നിവയാണ് നല്‍കുക. നിര്‍ജ്ജലീകരണം അകറ്റാന്‍ ധാരാളം വെള്ളം കുടിക്കണം. ഒപ്പം നല്ല വിശ്രമവും ആവശ്യമാണ്. ഡെങ്കിപ്പനി ബാധിച്ചവരില്‍ പ്ലേറ്റ്ലെറ്റ് കൗണ്ട് കുറയും. അതിനാല്‍ ഡെങ്കിപ്പനിയുള്ള വ്യക്തിയെ കൃത്യമായ ഇടവേളകളില്‍ രക്തപരിശോധനയ്ക്ക് വിധേയരാക്കണം. ആരോഗ്യമുള്ള ഒരു വ്യക്തിയില്‍ സാധാരണമായി 1.5 ലക്ഷം മുതല്‍ 4.5 ലക്ഷം വരെയാണ് പ്ലേറ്റ്ലെറ്റുകളാണുണ്ടാവുക. ഡെങ്കിപ്പനി ബാധിച്ചവരില്‍ പ്ലേറ്റ്ലെറ്റുകളുടെ എണ്ണം അമ്പതിനായിരത്തില്‍ താഴെയാകുമ്പോള്‍ ആശുപത്രിയില്‍ പ്രവേശിപ്പിച്ച് ചികിത്സ നല്‍കേണ്ടി വരും. ഐ.വി. ഫ്ളൂയിഡ് നല്‍കുകയാണ് പ്രധാനമായും ചെയ്യുന്നത്.