കോവിഡിനെ പ്രതിരോധിക്കാൻ നിതാന്തം പരിശ്രമിക്കുന്നവരാണ് ആരോഗ്യപ്രവർത്തകരും പോലീസും . ഇവർക്ക് ആദരവ് പ്രകടിപ്പിച്ച് കൊണ്ടുള്ള ഹ്രസ്വ ചിത്രം 'ഹോപ്പ്' ആസ്വാദക ഹൃദയം കീഴടക്കുകയാണ് . ഹോപ്പിന്റെ സംവിധായകൻ എം എ ബിരുദാനന്തര ബിരുദ വിദ്യാർത്ഥിയായ ശരത് സുരേന്ദ്രൻ ആണ് . ക്വാറന്റൈൻ കാലത്ത് ഒരു ചെറുപ്പക്കാരൻ നേരിടുന്ന മാനസിക സമ്മർദ്ദങ്ങളാണ് ചിത്രത്തിന്റെ പ്രമേയം. ആ ചെറുപ്പക്കാരന്റെ സ്വാതന്ത്ര്യം സർഗ്ഗാത്മകതയിലൂടെ കണ്ടെത്തുകയും ചെയ്യുന്നതാണ് കഥ. സമകാലിക കാലത്ത് എല്ലാത്തിനോടും മടുപ്പും മടിയും കാട്ടുന്ന ഒരു ചെറുപ്പക്കാരനെയാണ് ചിത്രത്തിൽ അവതരിപ്പിച്ചിരിക്കുന്നത്. പക്ഷിമൃഗങ്ങളുടെ സ്വാതന്ത്ര്യത്തെ മനുഷ്യന് തിരിച്ചു നൽകാൻ കഴിയും എന്നു ചിന്തിപ്പിച്ച് കൊണ്ട് ചിത്രം അവസാനിക്കുന്നു . ഡയലോഗുകൾ ഇല്ലാതെ മ്യൂസിക്കിലൂടെ ആശയവിനിമയം നടത്തുന്ന ചിത്രത്തിലെ സംഗീതം ഹരി കൃഷ്ണമൂർത്തിയും ആർ.പി കണ്ണനുമാണ് ചെയ്തിരിക്കുന്നത് .

2018 ൽ പുറത്തിറങ്ങിയ അൽഫോൺസോ ക്യൂറോണിന്റെ 'റോമ' എന്ന ചിത്രത്തിൽ നിന്നും പ്രചോദനംക്കൊണ്ട് നിർമ്മിച്ച ചിത്രമാണ് . ബ്ലാക്ക് ആൻഡ് വൈറ്റ് ചിത്രത്തിന് പുത്തൻ ഭാവങ്ങൾ നൽകിയ അൽഫോൺസോ ക്യൂറോൺ ഇഫക്ട് ഈ കുഞ്ഞു ചിത്രത്തിലും കാണാൻ സാധിക്കും . രണ്ട് മാസങ്ങൾ നീണ്ട് നിന്നിരുന്ന അണിയറ പ്രവർത്തനങ്ങളുടെ, ഏറെ സമയവും വേറിട്ട പരീക്ഷണങ്ങൾ നടത്താൻ വിനുയോഗിച്ചതായി സംവിധായകൻ പറഞ്ഞു .

സ്വാതന്ത്ര്യം മനുഷ്യന് എത്രമാത്രം പ്രധാന്യമാണെന്ന് കാട്ടി തരുന്ന ഹ്രസ്വ ചിത്രം ജീവിത കാലം മുഴുവനും കൂട്ടിലടയ്ക്കപ്പെട്ട മൃഗങ്ങളുടെ നിസ്സഹായവസ്ഥയും വ്യക്തമാക്കുന്നു . സിംബോളിക് ആൻഡ് സൈക്കിക് മോഡിലാണ് ചിത്രം നിർമ്മിച്ചിരിക്കുന്നത്. ഭാവികാലത്തിലേക്ക് സഞ്ചരിക്കുന്ന ശുഭപ്രതീക്ഷകളുടെ ശബ്ദമാണ് ചിത്രത്തിൽ ഉൾപ്പെടുത്തിയിരിക്കുന്നു . ചിത്രത്തിലെ ഫാനിന്റെയും ക്ലോക്കിന്റെയും നിരന്തരമായ ദൃശ്യങ്ങൾ പുത്തൻ പ്രതീക്ഷകളുടെ ഒരു കാലഘട്ടത്തിലേക്ക് വ്യക്തിചലിക്കുന്നു എന്നതിന്റെ ശുഭസൂചന നൽകുന്നു .

കോവിഡ് പ്രതിരോധ നടപടികൾ പൂർണ്ണമായും പാലിച്ചു കൊണ്ടാണ് ചിത്രം നിർമ്മിച്ചിരിക്കുന്നതെന്ന് അണിയറപ്രവർത്തകർ പറഞ്ഞു . വെറും ആറു മിനിറ്റ് 23 സെക്കന്റ് മാത്രം ദൈർഘ്യമുള്ള നൊസ്റ്റാൽജിക് ആൻഡ് ക്ലാസിക്ക് ഭാവുകത്വം തീർക്കുന്ന ഷോർട്ട് ഫിലിമിൽ പുതുമുഖമായ വിഷ്ണു എസ് കൃഷ്ണയാണ് അഭിനയിച്ചിരിക്കുന്നത്. ശ്രീജിത്ത് എ.എസ് ചിത്രത്തിന്റെ ക്യാമറയും അഖിൽ എസ് ഹ്രസ്വ ചിത്രത്തിന്റെ സഹസംവിധാനവും നിർവഹിച്ചിരിക്കുന്നു. ലോക്ക് ഡൗൺ കാലത്ത് ഏവരുടെയും ഉള്ളിലെ അഭിരുചിക്കനുസൃതമായ സർഗ്ഗശേഷിയെ വളർത്താൻ പ്രോത്സാഹനം നൽകുക കൂടി ചെയ്യുന്നു. വളരെ ലളിതവും ശക്തവുമായ ആശയങ്ങൾ ഉൾക്കൊള്ളിച്ചിരിക്കുന്ന ചിത്രം കഴിഞ്ഞ ദിവസം യൂട്യൂബിലൂടെ റിലീസ് ചെയ്യുകയായിരുന്നു.