കൊറോണയെന്ന മഹാമാരിയുടെ വ്യാപനത്തിനൊപ്പം പേമാരിയും കേരളത്തെ ആശങ്കയിലാഴ്ത്തുകയാണ്. എന്നാൽ കഴിഞ്ഞ രണ്ട് ദിവസമായി തുടരുന്ന മഴയിൽ കനത്ത നാശനഷ്ടമാണ് കേരളത്തിലുണ്ടായിരിക്കുന്നത് എന്നാണ് ലഭ്യമാകുന്ന കണക്കുകൾ പ്രകാരം മനസിലാകുന്നത്. ഇതേതുടർന്ന് വടക്കൻ മേഖലകളിൽ പുഴകൾ കരകവിഞ്ഞു. ഇടുക്കി കഴിഞ്ഞ രണ്ട് പ്രളയകാലത്തേയും പോലെ ഇക്കൊല്ലവും ഏതാണ്ട് ഒറ്റപ്പെട്ട അവസ്ഥയിലേക്ക് നീങ്ങുകയാണ് എന്നത് ഏറെ ആശങ്കയിലേക്ക് നയിക്കുന്നു.

അതോടൊപ്പം തന്നെ ജൂൺ മുതൽ സെപ്റ്റംബർ വരെയുള്ള തെക്ക് പടിഞ്ഞാറൻ മൺസൂൺ സമയത്ത് കേരളത്തിന് സാധാരണഗതിയിൽ 2049 മില്ലിമീറ്റർ മഴ ലഭിക്കുന്നതാണ്. ഈ നൂറ്റാണ്ടിൽ കേരളത്തിന് മൺസൂൺ വർഷങ്ങൾ വളരെ കുറവായിരുന്നു. 2007 ഒരു മികച്ച വർഷമായിരുന്നു. അന്ന് 2786 മില്ലീമീറ്റർ മഴ ലഭിക്കുകയുണ്ടായി. പിന്നീട് 2013ൽ 2562 മില്ലിമീറ്റർ മഴ ലഭിക്കുന്നതുവരെ കാര്യങ്ങൾ ശാന്തമായി തന്നെ തുടരുകയായിരുന്നു.

എന്നാൽ 1920കളിലാണ് കേരളത്തില്‍ അധികമഴ തുടര്‍ച്ചയായ മൂന്നു വര്‍ഷങ്ങളിൽ ലഭിച്ചത്. 2018ല്‍ കേരളത്തിന് ലഭിച്ച മഴ പ്രളയത്തിന് വഴിവയ്ക്കുകയുണ്ടായി. നൂറ്റാണ്ടിലെ തന്നെ ഏറ്റവും വലിയ പ്രളയമായിരുന്നു അത്. 18 വർഷത്തിനിടെ കേവലം 2 സൂപ്പർ മൺസൂൺ കൊണ്ടാണ് മൺസൂൺ മാജിക്ക് അപ്രത്യക്ഷമാകുന്നത്. 2018ലും 2019ലും കുറഞ്ഞ സമയത്തിനുള്ളിൽ മഴയുടെ ഭൂരിഭാഗവും ലഭിച്ചു, ഇതു പ്രളയത്തിന് കാരണമാകുകയും ചെയ്തു. 1961നും 1924നും ശേഷം ഏറ്റവും മോശം വെള്ളപ്പൊക്കത്തിന് ഇത് കാരണമായി. 1924, 1961, 2018 സംസ്ഥാനത്ത് ഏറ്റവും വലിയ പ്രളയത്തിന് വഴിവെച്ച മൂന്ന് വര്‍ഷങ്ങളാണ് എന്നതാണ്.

1920 കളിൽ കേരളത്തിൽ ഉണ്ടായ കനത്ത ഹാട്രിക് മഴയുടെ കണക്കുകൾ ഇങ്ങനെയാണ്;

1922 - 2318 മില്ലി മീറ്റർ

1923 - 2666 മില്ലി മീറ്റർ

1924 - 3115 മില്ലി മീറ്റർ

നിലവിൽ - കേരളത്തിന് 2300 എംഎം മറ്റൊരു പ്രളയത്തിന് കാരണമാകുമോ എന്ന സംശയവും ഉടലെടുക്കുകയാണ്.

2018 - 2517 മില്ലി മീറ്റർ

2019 - 2310 മില്ലി മീറ്റർ

നിലവിൽ 2020 പ്രതീക്ഷകൾക്ക് അതീതമാകുമോ എന്നത് കാത്തിരുന്ന് തന്നെ കാണണം.

അതോടൊപ്പം തന്നെ രണ്ട് പ്രളയങ്ങളെ അതിജീവിച്ച കേരളത്തിൽ മാനം കറുക്കുമ്പോൾ ജനങ്ങൾ ഉറ്റുനോക്കുന്ന സമൂഹമാധ്യമ പേജാണ് പ്രദീപ് ജോൺ എന്ന വെതർമാന്റേത്. 2012ലാണ് പ്രദീപ് ഫെയ്‌സ്ബുക്കില്‍ വെതര്‍മാന്‍ എന്ന പേജില്‍ കാലാവസ്ഥാ വിവരങ്ങള്‍ പങ്കുവച്ചു തുടങ്ങിയത് തന്നെ. ഓരോ കാലവര്‍ഷം കഴിയും തോറും പ്രദീപിന്റെ പേജിലേക്കു വിവരങ്ങള്‍ തേടി ആയിരങ്ങള്‍ ഒഴുകിയെത്തി തുടങ്ങിയിരുന്നു. അങ്ങനെ സംശയങ്ങളും സന്ദേശങ്ങളും ഇന്‍ബോക്‌സില്‍ നിറഞ്ഞു. മഴ കനക്കുമോ, വെള്ളക്കെട്ടുണ്ടാകുമോ, വീട് ഒഴിഞ്ഞു പോകേണ്ടതുണ്ടോ തുടങ്ങി മക്കളുടെ വിവാഹം ഏതു സമയത്തു നടത്തണമെന്ന ചോദ്യം വരെ പ്രദീപിനു മുന്നിലെത്തിയിരുന്നതാണ്. ഇതോടെ ഉത്തരവാദിത്തങ്ങളും എതിര്‍പ്പുകളും ഏറിയിരുന്നു.

അങ്ങനെ ആഴ്ചകളോളം ഉറക്കം പോലും ഒഴിവാക്കി വിവിധ കേന്ദ്രങ്ങളില്‍നിന്നുള്ള വിവരങ്ങള്‍ ശേഖരിച്ചു മഴ പ്രവചനങ്ങളും ജാഗ്രത നിര്‍ദേശങ്ങളും കൃത്യമാക്കി തന്നെ മുന്നോട്ട് വച്ചു. 2010ല്‍ ലൈല ചുഴലിക്കാറ്റ് ചെന്നെയില്‍ ആഞ്ഞടിച്ചപ്പോള്‍ രണ്ടു ദിവസം അവധിയെടുത്തു വീട്ടിലിരുന്നു കാര്യങ്ങള്‍ നിരീക്ഷിച്ചു കൃത്യമായി വിവരങ്ങള്‍ പങ്കുവയ്ക്കുകയായിരുന്നു. ഇതേതുടർന്ന് ഈ ഒരു സാഹചര്യത്തിലും ജാഗ്രത പാലിക്കണം എന്ന് അത്യമേ തന്നെ വ്യക്തമാക്കുകയായിരുന്നു ഇദ്ദേഹം.