കരിപ്പൂരില് ലാന്ഡിങ്ങിനിടെ റണ്വേയില് നിന്ന് തെന്നിമാറി അപകടം: എയര് ഇന്ത്യ എക്സ്പ്രസ് വിമാനമാണ് 177 യാത്രക്കാരുമായി അപകടത്തില്പെട്ടത്
കോഴിക്കോട് കരിപ്പൂര് അന്താരാഷ്ട്ര വിമാനത്താവളത്തില് ദുബായില് നിന്നും വന്ന എയര് ഇന്ത്യ എക്സ്പ്രസ് വിമാനം ലാന്ഡിങിനിടെ അപകടത്തില്പെട്ടു. ലാന്ഡിങ്ങിനിടെ റെണ്വെയില്നിന്ന് തെന്നിമാറി റോഡിന്റെ ഭാഗത്തേക്കാണ് വിമാനം വീണത്. മഴകാരണം റണ്വേയില് നിന്നും തെന്നി മാറി താഴേക്ക് വീണതെന്നാണ് പ്രാധമിക വിവരം. ഇന്ന് രാത്രി 8 മണിയോടെയാണ് സംഭവം. കൊണ്ടോട്ടികുന്നുംപുറം റോഡില് മേലങ്ങാടി വഴിയുള്ള ക്രോസ് ബെല്റ്റ് റോഡിന്റെ ഭാഗത്തേക്കാണ് വിമാനം വീണത്. 177 യാത്രക്കാരുമായി എത്തിയ വിമാനമാണ് റണ്വേയില് നിന്നും താഴേക്ക് വീണത്. ഫയര് ഫോഴ്സും സുരക്ഷാ ഉദ്യോഗസ്ഥരും സ്ഥലത്തെത്തി യാത്രക്കാരെ വിമാനത്തില്നിന്ന് രക്ഷപ്പെടുത്താനുള്ള ശ്രമങ്ങള് തുടരുകയാണ്. നിരവധി ആളുകള്ക്ക് പരിക്കേറ്റിട്ടുണ്ട്. സ്ഥിതി ഗുരുതരാവസ്ഥയെന്ന് കൊണ്ടോട്ടി സര്ക്കിള് ഇന്സ്പെക്ടര് പ്രതികരിച്ചു. എയര് ഇന്ത്യ എക്സ്പ്രസിന്റെ 1344 വിമാനമാണ് അപകടത്തില് പെട്ടത്.
https://www.facebook.com/Malayalivartha
