കരിപ്പൂര് വിമാനാപകടം... എയര്പോര്ട്ടില് കണ്ട്രോള് റൂം പ്രവര്ത്തനമാരംഭിച്ചു; വിമാനത്തില് യാത്ര ചെയ്തവരുടെ ബന്ധുക്കള്ക്ക് വിവരം അറിയാന് 0495 2376901 എന്ന നമ്ബറില് ബന്ധപ്പെടാമെന്ന് കളക്ടര്
കരിപ്പൂര് വിമാനത്താവളത്തില് വിമാനം റണ്വെയില് നിന്ന് തെന്നിമാറിയതിനെത്തുടര്ന്നുള്ള അപകടവുമായി ബന്ധപ്പെട്ട വിവരങ്ങള്ക്ക് എയര്പോര്ട്ടില് കണ്ട്രോള് റൂം തുറന്നു. അപകടത്തില്പ്പെട്ട എയര് ഇന്ത്യ IX 1344 എന്ന വിമാനത്തില് യാത്ര ചെയ്തവരുടെ ബന്ധുക്കള്ക്ക് വിവരം അറിയാന് 0495 2376901 എന്ന നമ്ബറില് ബന്ധപ്പെടാമെന്ന് കോഴിക്കോട് കളക്ടര് അറിയിച്ചു.
കരിപ്പൂര് വിമാനാപകടത്തില് അടിയന്തര രക്ഷാ നടപടികള്ക്ക് മുഖ്യമന്ത്രി പിണറായി വിജയന് നിര്ദേശം നല്കിയിട്ടുണ്ട്. ഐ ജിയുടെ നേതൃത്വത്തിലുള്ള പൊലീസ് സംഘവും രണ്ട് ജില്ലകളിലെ ഫയര് ആന്ഡ് റെസ്ക്യൂ ടീമും രക്ഷാപ്രവര്ത്തനങ്ങള് നടത്തിവരികയാണ്.
അതേസമയം പ്രധാനമന്ത്രി നരേന്ദ്രമോദി മുഖ്യമന്ത്രി പിണറായി വിജയനുമായി കരിപ്പൂര് വിമാനാപകടം സംബന്ധിച്ച കാര്യങ്ങള് ഫോണില് സംസാരിച്ചു. കോഴിക്കോട്, മലപ്പുറം ജില്ലാ കലക്ടര്മാര് ഉള്പ്പെടെയുള്ള ഉദ്യോഗസ്ഥ സംഘവും എയര്പോര്ട്ടില് എത്തി രക്ഷാപ്രവര്ത്തനത്തില് പങ്കെടുക്കുന്നുണ്ടെന്ന് മുഖ്യമന്ത്രി പ്രധാനമന്ത്രിയെ അറിയിച്ചു. അപകടവുമായി ബന്ധപ്പെട്ട വിവരങ്ങള്ക്ക് ഫോണ്: 04832719493. ദുബായ് ഹെല്പ് ലൈന് നമ്ബറുകള്: 056 546 3903, 0543090572, 0543090572, 0543090575.
https://www.facebook.com/Malayalivartha
