സംസ്ഥാനത്തെ നിരത്തുകളില്‍ ഓടുന്ന 15 വര്‍ഷം കൂടുതല്‍ പഴക്കമുള്ള ഡീസല്‍ ഓട്ടോറിക്ഷകള്‍ ഒഴിവാക്കാന്‍ സര്‍ക്കാര്‍ നീക്കം. 2021 ഡനുവരി ഒന്നിന് ശേഷം 15 വര്‍ഷം കൂടുതല്‍ പഴക്കമുള്ള ഓട്ടോറിക്ഷകള്‍ക്ക് നിരോധനം ഏര്‍പ്പെടുത്തി സംസ്ഥാന മോട്ടോര്‍ വാഹനചട്ടം ഭേദഗതി ചെയ്തെന്നാണ് പുറത്തുവരുന്ന റിപ്പോര്‍ട്ട്.

അതേസമയം, പൊതുഗതാഗതത്തിന് ഉപയോഗിക്കുന്ന ഓട്ടോറിക്ഷള്‍ക്കായിരിക്കും പുതിയ നിയമം ബാധകമാകുക.സ്വകാര്യ ആവശ്യങ്ങള്‍ക്കായി ഉപയോഗിക്കുന്ന ഓട്ടോറിക്ഷകളെ പുതിയ നിയമം ബാധിക്കില്ലെന്നാണ് റിപ്പോര്‍ട്ട്. സംസ്ഥാനത്ത് പ്രകൃതി സൗഹാര്‍ദ്ദ വാഹനങ്ങളെ പ്രോത്സാഹിപ്പിക്കുന്നതിന് വേണ്ടിയാണ് പുതിയ നടപടിയെന്നാണ് സൂചന.

ഇനി 15 വര്‍ഷം കഴിഞ്ഞ ഓട്ടോറിക്ഷകള്‍ നിരത്തിലിറക്കണമെങ്കില്‍ അത് സിഎന്‍ഡി, ഇലട്രിക്, എല്‍പിജി, എല്‍എന്‍ജി, തുടങ്ങിയവയിലേക്ക് മാറിയാല്‍ മതി. 15 വര്‍ഷം പഴക്കമുള്ള വാഹനങ്ങളുടെ നിരോധനം സംബന്ധിച്ച് ദേശീയ ഹരിത ട്രൈബ്യൂണലിന്റെയും നിര്‍ദ്ദേശമുണ്ട്. ംസ്ഥാനത്ത് ഇലട്രിക് വാഹനങ്ങളെ പ്രത്സാഹിപ്പിക്കുന്നതിന് നേരത്തെ നിര്‍ദ്ദേമുണ്ടായിരുന്നു. അന്തരീക്ഷ മലിനീകരണം ഒഴിവാക്കുന്നതിന് പരമ്ബരാഗത ഇന്ധനങ്ങളില്‍ നിന്ന് മാറിയുള്ള വാഹനങ്ങളെ പ്രോത്സാഹിപ്പിക്കാനാണ് നിര്‍ദ്ദേശം.