തെരഞ്ഞെടുപ്പില്‍ പുതുമുഖങ്ങള്‍ക്ക് അവസരം നല്‍കണം; ഇത് വ്യക്തമാക്കി മാത്യു കുഴല്നാടന് കെ.പി.സി.സി പ്രസിഡന്റിന് കത്തയച്ചു
തെരഞ്ഞെടുപ്പുകളിൽ വളരെ വിരളം പുതുമുഖങ്ങൾക്ക് മാത്രമാണ് അവസരം നൽകുന്നത്. കാലാകാലങ്ങളായി തന്നെ ഇതിനെതിരെ പാർട്ടികളിൽ മുറവിളികൾ ഉയരുന്നുവെങ്കിലും ആരും കാര്യമായി തന്നെ അത് പരിഗണിച്ചുമില്ല. ഇനി വരുന്ന തെരഞ്ഞെടുപ്പില്‍ പുതുമുഖങ്ങള്‍ക്ക് അവസരം നല്‍കണമെന്ന് കെ.പി.സി.സി ജനറല്‍ സെക്രട്ടറി മാത്യു കുഴല്നാടന് വ്യക്തമാക്കുകയുണ്ടായി. ഇക്കാര്യം ചൂണ്ടിക്കാട്ടി മാത്യു കുഴല്നാടന് കെ.പി.സി.സി പ്രസിഡന്റിന് കത്തയയ്ക്കുകയുണ്ടായി. നിയമസഭാ തെരഞ്ഞെടുപ്പില്‍ സീറ്റ് കുത്തകയായിവയ്ക്കുന്നവരെ കൂടി ഉന്നംവച്ചുകൊണ്ടാണ് മാത്യു കുഴല്‍നാടന്റെ കത്ത്.
ആയതിനാൽ തന്നെ മൂന്ന് തവണ മത്സരിച്ചവരെ മാറ്റിനിര്‍ത്തണം. തുടര്‍ച്ചയായി മത്സരിച്ചവര്‍ സ്വന്തം കുടുംബത്തിലുള്ളവരെ സ്ഥാനാര്‍ത്ഥികളാക്കുന്നതും അവസാനിപ്പിക്കണം. മഹിളാ കോണ്‍ഗ്രസ്, ദളിത് കോണ്‍ഗ്രസ് സംഘടനാ പ്രവര്‍ത്തകരെ തദ്ദേശ സ്വയംഭരണ തെരഞ്ഞെടുപ്പില്‍ സ്ഥാനാര്‍ത്ഥികളായി പരിഗണിക്കണമെന്നും കുഴല്നാടന് കത്തിൽ ആവശ്യപ്പെടുകയുണ്ടായി.
https://www.facebook.com/Malayalivartha
