വാദ്യമേള സംഘത്തിന്റെ വാഹനമെന്ന് തെറ്റിധരിപ്പിച്ച് സ്പിരിറ്റ് കടത്ത്: അന്വേഷണം തിരുവനന്തപുരത്തേക്ക്
വാദ്യമേള സംഘത്തിന്റെ ബോര്ഡ് വച്ച വാനില് ചേര്ത്തലയില് 1,750 ലീറ്റര് സ്പിരിറ്റ് കടത്തിയതുമായി ബന്ധപ്പെട്ട അന്വേഷണം എക്സൈസ് തിരുവനന്തപുരത്തേക്ക് വ്യാപിപ്പിച്ചു. വാഹനം ഉപയോഗിച്ചിരുന്നയാള് കടന്നുവെന്ന് സംശയമുണ്ട്.
അസിസ്റ്റന്റ് കമ്മിഷണര് എം.എന്.ശിവപ്രസാദ് ഇന്നലെ വാഹനത്തിന്റെ ഉടമ തിരുവനന്തപുരം വെള്ളനാട് സ്വദേശി രാധാകൃഷ്ണന്റെ വീട്ടിലെത്തി ചോദ്യം ചെയ്തു.
വാഹനം ഉപയോഗിച്ചിരുന്നത് തന്റെ ബന്ധുവാണെന്ന് രാധാകൃഷ്ണന് മൊഴി നല്കി. എക്സൈസ് തിരയുന്നുണ്ടെങ്കിലും വാഹനം ഉപയോഗിച്ചിരുന്നയാളെ കണ്ടെത്താന് കഴിഞ്ഞിട്ടില്ല. ഇയാളെ കണ്ടെത്തിയാല് സ്പിരിറ്റ് എത്തിച്ചതു സംബന്ധിച്ചു വ്യക്തമായ വിവരങ്ങള് കിട്ടുമെന്ന് എക്സൈസ് അധികൃതര് പറഞ്ഞു.
തിരുവനന്തപുരത്തെ ആര്ടി ഓഫിസ്, വര്ക്ഷോപ്പുകള്, ഫോണ് ടവര് ലൊക്കേഷന് തുടങ്ങിയവ കേന്ദ്രീകരിച്ച് അന്വേഷണം നടത്തുന്നുണ്ട്. ദേശീയപാതയില് ചേര്ത്തല റെയില്വേ സ്റ്റേഷനു സമീപമാണ് കഴിഞ്ഞ ദിവസം സ്പിരിറ്റ് പിടികൂടിയത്.
https://www.facebook.com/Malayalivartha
