'ശരീരത്തിലും മനസ്സിലും കറ പുരളാത്തതിനാല് മരണം വരെ കേരളത്തിലെ പൊതു സമൂഹത്തില് തലയുയര്ത്തി നില്ക്കും. ഒരു രാഷ്ടീയ ഭിക്ഷാംദേഹിയോ ഭാഗ്യാന്വേഷിയോആകില്ല. ലാഭനഷ്ടങ്ങളുടെ കണക്കു പുസ്തകം സൂക്ഷിച്ചിട്ടില്ല...' മുഖ്യമന്ത്രി പിണറായി വിജയനെ തള്ളിപ്പറയില്ലെന്ന് ചെറിയാന് ഫിലിപ്പ്
മുഖ്യമന്ത്രി പിണറായി വിജയനെ തള്ളിപ്പറയില്ലെന്ന് വ്യക്തമാക്കി ചെറിയാന് ഫിലിപ്പ് രംഗത്ത്. രാഷ്ട്രീയ ഭിക്ഷാംദേഹിയോ ഭാഗ്യാന്വേഷിയോ ആകില്ല. രാഷ്ട്രീയത്തില് തുടര്ന്നാലും ഇല്ലെങ്കിലും പിണറായി വിജയനെ തള്ളിപ്പറയില്ലെന്നും ചെറിയാന് ഫിലിപ്പ് ഫേസ്ബുക്ക് പോസ്റ്റിലൂടെ വ്യക്തമാക്കി.
ഉമ്മന് ചാണ്ടിയും എകെ ആന്റണിയും ജ്യേഷ്ഠസഹോദരന്മാരാണ്. ഇരുവര്ക്കും എതിരെ വൈകാരികമായി പ്രതികരിച്ചത് തെറ്റായിരുന്നു. ഇരുവരോടും ഇക്കാര്യം അറിയിച്ചിരുന്നുവെന്നും ചെറിയാന് ഫിലിപ്പ് കുറിപ്പില് പറയുന്നുണ്ട്. വീക്ഷണം പത്രത്തില് പ്രവര്ത്തിച്ചിരുന്ന കാര്യവും ചെറിയാന് കുറിപ്പില് ഓര്മ്മിക്കുന്നുണ്ട്. കഴിഞ്ഞ ദിവസം കോണ്ഗ്രസ് മുഖപത്രമായ വീക്ഷണം ചെറിയാനെ പാര്ട്ടിയിലേക്ക് സ്വാഗതം ചെയ്തിരുന്നു. തെറ്റുതിരുത്തി വന്നാല് സ്വീകരിക്കുമെന്നായിരുന്നു വീക്ഷണത്തിലെ ലേഖനം.
ചെറിയാന് ഫിലിപ്പിന്്റെ കുറിപ്പ്:
രാഷ്ട്രീയത്തില് തുടര്ന്നാലും ഇല്ലെങ്കിലും ഇരുപതു വര്ഷം രാഷ്ടീയ അഭയം നല്കിയ പിണറായി വിജയനെ ഒരിക്കലും തള്ളിപ്പറയില്ല.
ബാല്യം മുതല് എന്്റെ ജീവിതത്തിന്്റെ ഭാഗമായിരുന്ന എകെ ആന്്റണിക്കും ഉമ്മന് ചാണ്ടിക്കുമെതിരെ ചില സന്ദര്ഭങ്ങളില് സമനില തെറ്റി വൈകാരികമായി പ്രതികരിച്ചത് തെറ്റായിരുന്നുവെന്ന് പിന്നീട് ബോദ്ധ്യപ്പെട്ടു. ഇക്കാര്യം ആന്്റണിയേയും ഉമ്മന് ചാണ്ടിയേയും വര്ഷങ്ങള്ക്കു മുമ്ബുതന്നെ നേരില് അറിയിച്ചിട്ടുണ്ട്. ഇവര് രണ്ടു പേരും ആത്മബന്ധമുള്ള ജേഷ്ഠ സഹോദരന്മാരാണ്.
കോണ്ഗ്രസിനും തനിക്കും നല്കിയ സേവനങ്ങള്ക്ക് പ്രത്യുപകാരമായി ചെറിയാന് ഫിലിപ്പിന് ഒരു സഹായവും ചെയ്യാന് കഴിയാത്തതില് തനിക്ക് തീവ്ര ദു:ഖമുണ്ടെന്നു് കേന്ദ്ര മന്ത്രിയായിരിക്കെ എകെ ആന്്റണി 2010 ല് കെടിഡിസിയുടെ ഒരു ചടങ്ങില് പറഞ്ഞത് ടൂറിസം മന്ത്രി കോടിയേരി ബാലകൃഷ്ണന്്റെ സാന്നിദ്ധ്യത്തിലാണ്.
ചെറിയാന് ഫിലിപ്പ് ആദര്ശവാനാണെന്നും പറയുന്നതില് മാത്രമല്ല നടപ്പാക്കുന്നതില് നിര്ബന്ധമുള്ളയാളാണെന്നും നിയമസഭാ സാമാജികത്വത്തിന്്റെ അമ്ബതാം വാര്ഷികത്തില് ഒരു അഭിമുഖത്തില് ഉമ്മന് ചാണ്ടി പറഞ്ഞിരുന്നു.
അരനൂറ്റാണ്ടിലേറെക്കാലത്തെ രാഷ്ട്രിയ ജീവിതത്തില് ആരെയും ദ്രോഹിക്കുകയോ ശത്രുക്കളെ സൃഷ്ടിക്കുകയോ ചെയ്തിട്ടില്ല. കോണ്ഗ്രസിലും സിപിഐ എം ലും ഇതര രാഷ്ട്രീയ കക്ഷികളിലും വിവിധ മത-സമുദായ സംഘടനകളിലും മാദ്ധ്യമങ്ങളിലും ആയിരക്കണക്കിന് ഉറ്റ സുഹൃത്തുക്കളാണുള്ളത്.
ശരീരത്തിലും മനസ്സിലും കറ പുരളാത്തതിനാല് മരണം വരെ കേരളത്തിലെ പൊതു സമൂഹത്തില് തലയുയര്ത്തി നില്ക്കും. ഒരു രാഷ്ടീയ ഭിക്ഷാംദേഹിയോ ഭാഗ്യാന്വേഷിയോആകില്ല. ലാഭനഷ്ടങ്ങളുടെ കണക്കു പുസ്തകം സൂക്ഷിച്ചിട്ടില്ല.
1976 മുതല് 1982 വരെ ഞാന് വീക്ഷണത്തിന്്റെ രാഷ്ട്രീയ ലേഖകനായിരുന്നു. ഗോഹട്ടി എഐസിസി സമ്മേളനത്തില് അടിയന്തിരാവസ്ഥക്കെതിരായ എ കെ ആന്്റണിയുടെ പ്രസംഗം സെന്സര്ഷിപ്പ് നിയമങ്ങള് ലംഘിച്ച് റിപ്പോര്ട്ട് ചെയ്തത് ഞാനാണ്. വീക്ഷണത്തില് ചില വേളകളില് മുഖപ്രസംഗം എഴുതിയിട്ടുമുണ്ട്.
https://www.facebook.com/Malayalivartha
