സംസ്ഥാനത്തെ മുഴുവന് തടവുകാര്ക്കും അടുത്തമാസം കൊവിഡ് വാക്സിന് നല്കുമെന്ന് ജയില്വകുപ്പ്...
സംസ്ഥാനത്തെ മുഴുവന് തടവുകാര്ക്കും അടുത്തമാസം കൊവിഡ് വാക്സിന് നല്കുമെന്ന് ജയില്വകുപ്പ് അറിയിച്ചു. ആരോഗ്യ സെക്രട്ടറിയുമായി ജയില് ഡിജിപി നടത്തിയ ചര്ച്ചയിലാണ് ഇതുസംബന്ധിച്ച തീരുമാനമുണ്ടായത്.
നാല്പത്തിയഞ്ച് വയസിന് മുകളില് പ്രായമുള്ളവരുടെ വാക്സിനേഷന് ഈ മാസം തന്നെ പൂര്ത്തിയാക്കും. പ്രായപരിധിയില്ലാതെ അടുത്തമാസം എല്ലാ തടവുകാര്ക്കും കുത്തിവയ്പെടുക്കുമെന്ന് ജയില് വകുപ്പ് അധികൃതര് അറിയിച്ചു. കേരളത്തിലെ ആറായിരം തടവുകാരില് പകുതിയില് കൂടുതല് പേരെ ഇതിനോടകംതന്നെ പരിശോധനയ്ക്ക് വിധേയരാക്കിയിട്ടുണ്ട്.
പൂജപ്പുര സെന്ട്രല് ജയിലില് കഴിയുന്ന ബണ്ടി ചോര് ഉള്പ്പടെ രണ്ടുപേര്ക്ക് ഇന്നലെ രോഗം സ്ഥിരീകരിച്ചിരുന്നു. അതേസമയം സംസ്ഥാനത്ത് വാക്സിന് കനത്ത ക്ഷാമം നേരിടുകയാണ്
അതേസമയം കോവിഡ് വാക്സിന് കേന്ദ്രം എത്ര വില കൂട്ടിയാലും കേരളം അത് സൗജന്യമായി നല്കുമെന്ന് ധനമന്ത്രി ഡോ. തോമസ് ഐസക്. ലോക്ഡൗണിലൂടെ രാജ്യത്തിന് കനത്ത സാമ്പത്തിക നഷ്ടം ഉണ്ടാക്കുന്നതിന് പകരം, അല്പ്പം നഷ്ടം സഹിച്ച് വാക്സിന് സൗജന്യമായി നല്കുന്നതാണ് മികച്ച സാമ്പത്തിക ശാസ്ത്രമെന്നും തോമസ് ഐസക് .
സ്വതന്ത്ര ഇന്ത്യയില് ആദ്യമായാണ് വാക്സിന് പണം ഇടാക്കുന്നതെന്നും തോമസ് ഐസക് കുറ്റപ്പെടുത്തി. സംസ്ഥാനങ്ങള് മത്സരിച്ച് വാക്സിന് വാങ്ങണമെന്നാണ് കേന്ദ്രസര്ക്കാര് നിലപാട്. ഇരട്ട വില സമ്പ്രദായത്തിനെതിരെയും സംസ്ഥാനങ്ങളുടെ മേല് ഭാരം വരുന്നതിനെതിരെയും ശക്തമായ വിമര്ശനം ഉന്നയിക്കും. കേരളം ഉള്പ്പെടെയുള്ള എല്ലാ സംസ്ഥാനങ്ങളും വലിയ പ്രതിസന്ധിയിലാണ്. ഈയൊരു സാഹചര്യത്തില് ആയിരം കോടിയൊക്കെ എടുത്ത് ഒറ്റയടിക്ക് ചിലവു ചെയ്യുക എന്നത് കൂടുതല് സാമ്പത്തിക പ്രയാസങ്ങളിലേക്ക് നയിക്കും.
പക്ഷേ, ജനങ്ങളുടെ പ്രയാസം പരിഹരിക്കാനായി സര്ക്കാരിന്റെ ചില പ്രവര്ത്തനങ്ങള് നീട്ടിവയ്ക്കുകയാണ്. കേന്ദ്രം തന്നില്ലെങ്കില് നാട്ടുകാര്ക്ക് കിട്ടില്ല എന്ന അവസ്ഥയുണ്ടാവില്ല.
"
https://www.facebook.com/Malayalivartha