ദേശീയ പാര്ട്ടിയുടെ മൂന്നരക്കോടി തിരഞ്ഞെടുപ്പ് കുഴല്പ്പണം കവര്ന്നുവെന്ന മലയാള മനോരമ വാര്ത്തയില് രാഷ്ട്രീയ പാര്ട്ടിയുടെ പേര് മറച്ചുവച്ചതിനെ പരിഹസിച്ച് എം ബി രാജേഷ്. പാര്ട്ടി സിപിഐ എം ആയിരുന്നെങ്കില് കഥകള്, കാര്ട്ടൂണുകള്, പരമ്പരകള് എല്ലാമായി പൊലിപ്പിച്ചേനെ, നിഷ്പക്ഷ പത്രമാണെന്നും രാജേഷ് ഫെയ്സ്ബുക്ക് കുറിപ്പില് പരിഹസിച്ചു
ദേശീയ പാര്ട്ടിയുടെ മൂന്നരക്കോടി തിരഞ്ഞെടുപ്പ് കുഴല്പ്പണം കവര്ന്നുവെന്ന മലയാള മനോരമ വാര്ത്തയില് രാഷ്ട്രീയ പാര്ട്ടിയുടെ പേര് മറച്ചുവച്ചതിനെ പരിഹസിച്ച് എം ബി രാജേഷ്. പാര്ട്ടി സിപിഐ എം ആയിരുന്നെങ്കില് കഥകള്, കാര്ട്ടൂണുകള്, പരമ്പരകള് എല്ലാമായി പൊലിപ്പിച്ചേനെ, നിഷ്പക്ഷ പത്രമാണെന്നും രാജേഷ് ഫെയ്സ്ബുക്ക് കുറിപ്പില് പരിഹസിച്ചു. കുറിപ്പിലൂടെ ചിലതൊക്കെ കാര്യമായി തന്നെ കുറിച്ചിട്ടുണ്ട്
രാജേഷ്. എം ബി രാജേഷിന്റെ ഫെയ്സ്ബുക്ക് കുറിപ്പ് ഇങ്ങനെയാണ്. മലയാള മനോരമയില് ഇന്നലേയും ഇന്നും വന്ന രണ്ടുവാര്ത്തകളാണിത്. വിഷയം ഒരു രാഷ്ട്രീയ പാര്ട്ടിയുടെ 3.5 കോടിയുടെ കുഴല്പണം ഹൈവേയില് വെച്ച് കവര്ന്നതാണ്.
ഏത് പാര്ട്ടി ? 'ദേശീയ പാര്ട്ടി' എന്ന് മനോരമ. പല ദേശീയ പാര്ട്ടികളുണ്ടല്ലോ.ഏതാന്ന് പറ മനോരമേ !ഇതിപ്പോള് സ: ശിവദാസമേനോന് പണ്ട് പ്രസംഗങ്ങളില് പറയുന്ന നര്മ്മം പോലെയാണ്. ചില സ്ത്രീകള് ബഹുമാനം കൊണ്ട് ഭര്ത്താവിന്റെ പേര് പറയില്ലത്രേ.' കുട്ട്യോള്ടഛന്' എന്നേ പറയു. മനോരമക്ക് ബഹുമാനം മാത്രമല്ല നല്ല പേടിയുമുണ്ട്.അതുകൊണ്ട് ' ദേശീയ പാര്ട്ടി' (കുട്ട്യോള്ടഛന് ) എന്നേ മനോരമ പറയൂ.
'കവര്ച്ചയില് അതേ പാര്ട്ടിയുടെ ജില്ലയിലെ പ്രമുഖന് ഇടപെട്ടതായി വിവരമുണ്ട് '. അപ്പോള് മനോരമയുടെ പക്കല് 'വിവരമുണ്ട്.' പക്ഷേ പറയില്ല!.ഇന്നലെ ഒന്നാം പേജില്. ഇന്ന് ഉള്പേജിലേക്ക് വലിച്ചിട്ടുണ്ട്. നാളത്തോടെ അപ്രത്യക്ഷമാവുമായിരിക്കും.
വായനക്കാര് എന്ത് മനസ്സിലാക്കണം? അവര്ക്ക് ഒന്നുറപ്പിക്കാം. പാര്ട്ടി സി.പി.ഐ.(എം) അല്ല എന്ന്. കാരണം എങ്കില് മനോരമ ആഘോഷിച്ചേനെ. അടിച്ചു പൊളിച്ചേനെ. കഥകള്, കാര്ട്ടൂണുകള്, പരമ്പരകള് എല്ലാമായി പൊലിപ്പിച്ചേനെ. നിഷ്പക്ഷ പത്രമാണ്. ലീഗിന്റെ എം.എല്.ഏ. കക്കൂസ് ക്ലോസറ്റില് അമ്പതുലക്ഷം ഒളിപ്പിച്ചത് വിജിലന്സ് പിടിച്ചപ്പോള് നാറ്റം മാറ്റാന് മനോരമ ന്യായീകരണ സുഗന്ധലേപനം സ്വന്തം നിലയില് പൂശിയത് നമ്മള് കണ്ടല്ലോ.. വാര്ത്ത കഴിയുന്നത്ര അമുക്കി പിടിച്ചതും. ലീഗായതു കൊണ്ട് കക്കൂസിന്റെ കാര്ട്ടൂണൊന്നുമില്ല.
ഹോ... ഒരു സി.പി.എം നേതാവിന്റെ കക്കൂസിലോ മറ്റോ ആയിരുന്നെങ്കിലോ ? എത്ര 'വിഷയ വിദഗ്ദ്ധരെ ' മനോരമ രംഗത്തിറക്കുമായിരുന്നു?എന്തൊക്കെ തറ വേലകള് കാണിക്കുമായിരുന്നു?. എന്നാലും മനോരമേ ഏതാണ്ടാ ആ 'ദേശീയ പാര്ട്ടി ?
' ഒരു ക്ലൂ തന്നിട്ടുണ്ടല്ലോ എന്ന് മനോരമ.' പാര്ട്ടിയെ നിയന്ത്രിക്കുന്ന സംഘടനയും അന്വേഷണം ആരംഭിച്ചു ' എന്ന്. ങേ ! പാര്ട്ടിയെ നിയന്ത്രിക്കുന്ന സംഘടനയോ? അതേതപ്പാ അത്ര വലിയ ആ സംഘടന? ഇനി കൂടുതല് ചോദിക്കരുത്. പ്ലീസ്.... താടിയുള്ള അപ്പനെ പേടിയുണ്ടെന്ന് നിഷ്പക്ഷ പത്രം.
https://www.facebook.com/Malayalivartha
