ബ്രേക്ക് ഡൗണായ കാറിനടിയിൽ അറ്റകുറ്റപണിയ്ക്കു കയറിയ യുവാവിന് ദാരുണാന്ത്യം; കാറിന്റെ ജാ...

ബ്രേക്ക് ഡൗണായ കാറിനടിയിൽ അറ്റകുറ്റപണിയ്ക്കു കയറിയ യുവാവിന് ദാരുണാന്ത്യം; കാറിന്റെ ജാക്കി തെന്നിമറിഞ്ഞ് ശരീരത്തിൽ അമർന്ന് മരണം സംഭവിച്ചതായി സൂചന; മരണത്തിൽ ദുരൂഹതയെന്നു നാട്ടുകാർ

24 APRIL 2021 02:41 PM IST

മലയാളി വാര്‍ത്ത

ഗണേഷ് പാർട്ടി വിടുന്നു..? പിണറായിയോട് പിണങ്ങി സഭയിലിട്ട് വലിച്ച് കീറിയ കലിപ്പ് മുഖ്യന്,ഉടൻ തീരുമാനം

ശ്രീകണ്ഠൻ നായരെ ഉരുട്ടി പണ്ഡിറ്റ് ,കലക്കി ഞെട്ടി അവർ തനി രാവണൻ പത്തുതലയാ...! അമ്പോ കസറി

ഐടി മിഷനിൽ ഒഴിവുകൾ 40,000 മുതൽ ഒരു ലക്ഷം വരെ ശമ്പളം ഫെബ്രുവരി 15 വരെ അപേക്ഷിക്കാം

കരിപ്പൂര്‍ എയര്‍പോര്‍ട്ടിലെ ബസുകള്‍ക്ക് തീപിടിച്ചു; നാല് ബസുകള്‍ കത്തി നശിച്ചു

കാറ് ബ്രേക്ക് ഡൗണായതിനെ തുടർന്ന് തകരാറ് പരിശോധിക്കാൻ വണ്ടിയുടെ അടിയിൽ കയറിയ യുവാവ് കാറിനടിയിൽ കുരുങ്ങി ദാരുണാന്ത്യം. കോട്ടയം കറുകച്ചാൽ കുമ്പിടി സ്വദേശിയായ ബംഗ്ലാകുന്നിൽ വീട്ടിൽ രാഹുൽ ആർ(35) നെയാണ് കാറിനടയിൽ ഇന്ന് രാവിലെ മരിച്ച നിലയിൽ കണ്ടെത്തിയത്. കോട്ടയം-പന്തളം റൂട്ടിൽ സർവീസ് നടത്തുന്ന ചമ്പക്കര ബസിലെ ഡ്രൈവറാണ് രാഹുൽ. കറുകച്ചാൽ ചമ്പക്കര ഭാഗത്ത് തുമ്പച്ചേരിൽ ബാങ്കുപടി ഭാഗത്താണ് മൃതദേഹം കണ്ടെത്തി. രാവിലെ പത്രവിതരണത്തിനായി പോയ യുവാവ് റോഡിന്റെ നടുക്ക് കാർ നിർത്തിയിട്ടിരിക്കുന്നത് കണ്ട് നോക്കിയപ്പോഴാണ് കാറിനടിയിൽ മൃതദേഹം കണ്ടെത്തിയത്. തുടർന്ന് ഇയാൾ തന്നെ പൊലീസിൽ വിവരമറിയിക്കുകയായിരുന്നു. തുടർന്ന് കറുകച്ചാൽ പൊലീസ് സംഭവ സ്ഥലത്ത് എത്തി പരിശോധന നടത്തുകയായിരുന്നു. സുഹൃത്തിന്റെ വിവാഹ പാർട്ടിയിൽ പങ്കെടുത്ത് വീട്ടിലേക്ക് മടങ്ങുന്നതിനിടയിലാണ് അപകടം. കാറ് ബ്രേക്ക് ഡൗണായതിനെ തുടർന്ന് ഇയാൾ വാഹനത്തിനടിയിൽ കയറി തകരാറ് പരിശോധിക്കുന്നതിനിടയിൽ കാറിനടിയിൽ കുരുങ്ങി മരിച്ചതാകാമെന്നാണ് പ്രാഥമിക നിഗമനം. ഇയാൾ മദ്യപിച്ചിട്ടുണ്ടായിരുന്നുവെന്നും കറുകച്ചാൽ പൊലീസ് ് വ്യക്തമാക്കി. അതേസമയം വാഹനം അയാളുടെ ശരീരത്തിൽ നിന്നും പൊങ്ങിയാണ് ഇരുന്നതെന്നും സംഭവത്തിൽ ദുരൂഹത ഉണ്ടെന്നുമാണ് നാട്ടുകാരുടെ ആരോപണം. സംഭവത്തിൽ കറുകച്ചാൽ പൊലീസ് കേസെടുത്ത് അന്വേഷണം ആരംഭിച്ചു. മൃതദേഹം കോവിഡ് പരിശോധനയ്ക്കായി കോട്ടയം ജില്ലാ ആശുപത്രിയിൽ പ്രവേശിപ്പിച്ചിരിക്കുകയാണ്. പരിശോധനയ്ക്ക് ശേഷം കോട്ടയം മെഡിക്കൽ കോളെജിൽ പോസ്റ്റുമോർട്ടം നടത്തും. ഇൻക്വസ്റ്റ് നടപടികൾക്ക് ശേഷം മൃതദേഹം ബന്ധുക്കൾക്ക് വിട്ട് നൽകും.