അനന്യയുടെ ആത്മഹത്യാ വിഷയത്തില് സമഗ്ര അന്വേഷണം നടത്തുമെന്ന് സാമൂഹ്യനീതി വകുപ്പ് മന്ത്രി
ട്രാന്സ്ജന്ഡര് അനന്യാകുമാരി അലക്സിന്റെ മരണവുമായി ബന്ധപ്പെട്ട വിഷയത്തില് അടിയന്തിര നടപടികള് സ്വീകരിക്കും. പിന്നാലെ ട്രാന്സ്ജന്ഡര് വിഭാഗം അഭിമുഖീകരിക്കുന്ന പ്രശ്നങ്ങള് ചര്ച്ചചെയ്യുന്നതിനുമായി ട്രാന്സ്ജന്ഡര് ജസ്റ്റിസ് ബോര്ഡ് യോഗം 23ന് (വെള്ളിയാഴ്ച) വിളിച്ചു ചേര്ക്കുമെന്ന് ഉന്നതവിദ്യാഭ്യാസവും സാമൂഹ്യനീതിയും വകുപ്പ് മന്ത്രി ഡോ. ആര്. ബിന്ദു അറിയിച്ചു. ലിംഗമാറ്റ ശസ്ത്രക്രിയ ശാസ്ത്രീയമായി നടത്തുന്നതിനാവശ്യമായ മാര്ഗരേഖ തയ്യാറാക്കും. സര്ക്കാര് ആഭിമുഖ്യത്തില് ട്രാന്സ് ക്ലിനിക്കുകള് സ്ഥാപിച്ച് ലിംഗമാറ്റ ശസ്ത്രക്രിയ, ശാരീരിക മാനസിക പ്രശ്നങ്ങള് കൈകാര്യം ചെയ്യുന്നത് എന്നിവയുള്പ്പെടെയുള്ള സാധ്യതകളും പരിശോധിക്കും. ഈ മേഖലയില് അനുവര്ത്തിച്ചുവരുന്ന ചൂഷണവും വഞ്ചനാപരമായ സമീപനങ്ങളും അവസാനിപ്പിക്കുന്നതിനായുള്ള നടപടികള് സ്വീകരിക്കും. അനന്യയുടെ ആത്മഹത്യയെക്കുറിച്ച് സമഗ്ര അന്വേഷണം നടത്തി അടിയന്തിര റിപ്പോര്ട്ട് സമര്പ്പിക്കുന്നതിനായി സാമൂഹ്യ നീതി വകുപ്പ് സെക്രട്ടറിയെ ചുമതലപ്പെടുത്തിയിട്ടുണ്ട്.
https://www.facebook.com/Malayalivartha
