ആരോഗ്യരംഗത്തെ ജനോപകാരപ്രദമായ ഇടപെടലുകളിലൂടെ ചരിത്രം സൃഷ്ടിച്ചിരിക്കുകയാണ് മോദി സർക്കാർ. ദേശീയ ഔഷധ വിലനിയന്ത്രണ സമിതിയുടെ റിപ്പോർട്ടാണ് ഇത് വ്യക്തമാക്കുന്നത് എന്ന് ബിജെപി വാർത്താക്കുറിപ്പിലൂടെ അറിയിച്ചു ആരോഗ്യരംഗത്തെ ജനോപകാരപ്രദമായ ഇടപെടലുകളിലൂടെ ചരിത്രം സൃഷ്ടിച്ചിരിക്കുകയാണ് മോദി സർക്കാർ. ദേശീയ ഔഷധ വിലനിയന്ത്രണ സമിതിയുടെ റിപ്പോർട്ടാണ് ഇത് വ്യക്തമാക്കുന്നത്.

ബൈപാസ് സെന്ററുകളിലെ വിലനിയന്ത്രണത്തിലൂടെ 14,276 കോടി രൂപയുടെ ലാഭവും അർബുദ മരുന്നുകളുടെ വിലനിയന്ത്രണത്തിലൂടെ 984 കോടി രൂപയുടെ ലാഭവും ജൻ ഔഷധി കേന്ദ്രങ്ങളിലൂടെ 7400 കോടി രൂപയുടെ ലാഭവുമാണ് ജനങ്ങൾക്ക് ഉണ്ടായത്. കോവിഡ് മഹാമാരിയുടെ സമയത്ത് ചില മെഡിക്കൽ ഉപകരണങ്ങളുടെ വില നിയന്ത്രിച്ചത് 1000 കോടിയുടെ ലാഭമാണ് ജനങ്ങൾക്ക് ഉണ്ടാക്കിയത്.

ജൻ ഔഷധി കേന്ദ്രങ്ങളുടെ എണ്ണം പതിനായിരത്തോട് അടുക്കുന്നത് ജനങ്ങൾക്കിടയിലുള്ള അതിന്റെ സ്വീകാര്യതയുടെ തെളിവാണ്. ആർത്തവ ശുചിത്വത്തോടൊപ്പം പരിസ്ഥിതി സംരക്ഷണവും ലക്ഷ്യമാക്കി നടപ്പിലാക്കുന്ന സുവിധ പദ്ധതിയിലൂടെ 40 കോടി പാഡുകളാണ് വിതരണം ചെയ്തത്. 1 രൂപയ്ക്ക് ലഭ്യമാകുന്ന ഈ പാഡുകൾ മണ്ണിൽ അലിഞ്ഞു ചേരുന്നവ കൂടിയാണ്. ആരോഗ്യമേഖലയിൽ വിപ്ലവകരമായ മാറ്റങ്ങൾ സൃഷ്ടിച്ചുകൊണ്ട് മോദി സർക്കാരിന്റെ പദ്ധതികൾ വിജയകരമായി മുന്നേറുകയാണ്.