സിനിമ പുറത്തിറങ്ങി ഏഴ് ദിവസം വരെ റിവ്യൂ വേണ്ടെന്ന് ഉത്തരവിട്ടിട്ടില്ലെന്ന് വ്യക്തമാക്കി ഹൈക്കോടതി
സിനിമ റിവ്യൂകളുമായി ബന്ധപ്പെട്ട വിഷയത്തില് നിലപാട് വ്യക്തമാക്കി ഹൈക്കോടതി. സിനിമ റിലീസ് ചെയ്ത് ഏഴ് ദിവസം വരെ റിവ്യൂ പാടില്ലെന്ന് പറഞ്ഞിട്ടില്ലെന്ന് ഹൈക്കോടതി വ്യക്തമാക്കി. വിഷയത്തില് പ്രൊഡ്യൂസേഴ്സ് അസോസിയേഷന് ഇത്രകാലം എന്താണ് ചെയ്തതെന്ന് കോടതി ചോദിച്ചു. കോടതി ഇടപെട്ടപ്പോള് മാത്രമാണ് പ്രൊഡ്യൂസേഴ്സ് അസോസിയേഷന് രംഗത്തുവന്നതെന്നും ഹൈക്കോടതി വിമര്ശിച്ചു.
ഫോണ് കൈയ്യിലുണ്ടെങ്കില് എന്തും ചെയ്യാമെന്ന അവസ്ഥയാണ്. ബ്ലാക്ക്മെയില് ചെയ്യുന്ന വ്ളോഗര്മാര് മാത്രമാണ് കോടതി ഉത്തരവിനെ ഭയക്കേണ്ടത്. ജയിലില് പോകാന് തയ്യാറാണെന്നു വിളിച്ചുപറയുന്ന വ്ളോഗര്മാര് അങ്ങനെ പൊകട്ടെയെന്ന് കോടതി വ്യക്തമാക്കി. സിനിമാ വ്യവസായത്തെ നശിപ്പിക്കരുതെന്നും കോടതി ആവശ്യപ്പെട്ടിട്ടുണ്ട്.
അതേസമയം, സിനിമാ റിവ്യൂവിനെതിരെ പ്രത്യേക പ്രോട്ടോക്കോള് ഇല്ലെന്ന് സംസ്ഥാന പോലീസ് മേധാവി വ്യക്തമാക്കി. പ്രോട്ടോക്കോള് തയ്യാറാക്കുന്നതിന് മുന്പ് സിനിമയുടെ പ്രൊഡ്യൂസര്മാരെയും ഡയറക്ടര്മാരെയും കേള്ക്കണമെന്നും ഡിജിപി അറിയിച്ചു.
https://www.facebook.com/Malayalivartha
