വിദേശത്ത് ജോലി വാഗ്ദാനം ചെയ്ത് 5.59 ലക്ഷം രൂപ തട്ടിയ കേസില്‍ ഒന്നാം പ്രതി ശ്രീരാഗിന്റെ ജാമ്യം കോടതി റദ്ദാക്കി. തിരുവനന്തപുരം അഡീ. ചീഫ് ജുഡീഷ്യല്‍ മജിസ്‌ട്രേട്ട് കോടതിയുടേതാണുത്തരവ്. ഡല്‍ഹി ദ്വാരകയില്‍ താമസിക്കുന്ന പുളിങ്കുന്നം കൊച്ചുപാലത്തിങ്കല്‍ച്ചിറയില്‍ ശ്രീരാഗ് കമലാസനന് (34) നല്‍കിയ ജാമ്യമാണ് കോടതി റദ്ദാക്കിയത്.

പ്രതിയെ അറസ്റ്റു ചെയ്യാന്‍ അറസ്റ്റു വാറണ്ടും ജാമ്യ ബോണ്ടു തുക കണ്ടു കെട്ടാന്‍ ജപ്തി വാറണ്ടും ജാമ്യക്കാര്‍ക്ക് നോട്ടീസും നടപ്പിലാക്കാന്‍ കോടതി ഉത്തരവിട്ടു. പ്രതിയെ നവംബര്‍ 31 നകം സിറ്റി സൈബര്‍ പോലീസ് അറസ്റ്റു ചെയ്ത് കോടതിയില്‍ ഹാജരാക്കാനും എസിജെഎം എല്‍സാ കാതറിന്‍ ജോര്‍ജ് ഉത്തരവിട്ടു. കോടതി പ്രതിക്ക് ജാമ്യം നല്‍കിയ വേളയില്‍ നിഷ്‌കര്‍ശിച്ച ജാമ്യവ്യവസ്ഥ ഒന്നാം പ്രതി ലംഘിച്ചതിനാല്‍ പ്രതിയുടെ ജാമ്യം റദ്ദാക്കണമെന്നാനാവശ്യപ്പെട്ട് സിറ്റി സൈബര്‍ ക്രൈം പോലീസ് സമര്‍പ്പിച്ച ഹര്‍ജിയിലാണ് കോടതി ഉത്തരവ്.



ഒന്നാം പ്രതി ശ്രീരാഗ് കമലാസനന്റെ ജാമ്യം റദ്ദാക്കി ജയിലിലടക്കണമെന്നാണ് പോലീസ് ഹര്‍ജിയിലെ ആവശ്യം. ഹര്‍ജിയില്‍ ആക്ഷേപമുണ്ടെങ്കില്‍ 3 ദിവസത്തിനകം ഹാജരാക്കാന്‍ എസിജെഎം എല്‍സാ കാതറിന്‍ ജോര്‍ജ് പ്രതിയോട് ഒക്ടോബര്‍ 4 ന് ഉത്തരവിട്ടിരുന്നു.എന്നാല്‍ ഒക്ടോബര്‍ 7 , 9 എന്നീ തീയതികളില്‍ കേസ് പരിഗണിച്ചിട്ടും ശ്രീരാഗ് കോടതിയില്‍ ഹാജരാകുകയോ പോലീസ് ഹര്‍ജിക്കെതിരെ ആക്ഷേപം ബോധിപ്പിക്കുകയോ ചെയ്യാത്തതിനാലാണ് കോടതി ജാമ്യം റദ്ദാക്കിയത്.



പോലീസ് കുറ്റപത്രം സമര്‍പ്പിക്കും വരെ ആഴ്ചയില്‍ ഒരിക്കല്‍ വീതം എല്ലാ ആഴ്ചയും അന്വേഷണ ഉദ്യോഗസ്ഥന്‍ മുമ്പാകെ ഹാജരായി ഒപ്പിടണമെന്ന കോടതിയുടെ ജാമ്യവ്യവസ്ഥ 3 ആഴ്ച പ്രതി ലംഘിച്ചുവെന്നാണ് പോലീസ് ഹര്‍ജി. ഡല്‍ഹി ദ്വാരകയില്‍ താമസിക്കുന്ന പുളിങ്കുന്നം കൊച്ചുപാലത്തിങ്കല്‍ച്ചിറയില്‍ ശ്രീരാഗ് കമലാസനന്‍ (34), ആലുവ മുരിക്കാശ്ശേരി വെള്ളക്കുന്നേല്‍ നിവാസി ലിയോ. വി.ജോര്‍ജ് , തൃശൂര്‍ മുല്ലശ്ശേരി പൊറ്റക്കാട്ടില്‍ സതീഷ് കുമാര്‍ (42), ജെയ്ന്‍ വിശ്വംഭരന്‍ , ആഷിഖ് എന്നിവരാണ് 1 മുതല്‍ 5 വരെയുള്ള പ്രതികള്‍. 2023 ഏപ്രില്‍ 27 നാണ് പ്രതികള്‍ അറസ്റ്റിലായത്.


ജോലി തരപ്പെടുത്തി നല്‍കണമെന്ന ഉദ്ദേശ്യമില്ലാതെയും പണം തിര്യെ കൊടുക്കണമെന്ന ഉദ്ദേശ്യമില്ലാതെയും പരാതിക്കാരന് അന്യായ നഷ്ടമുണ്ടാക്കുകയും തുല്യ തുകക്കുള്ള അന്യായ സാമ്പത്തിക നേട്ടം പ്രതികള്‍ക്ക് ഉണ്ടാക്കി പരാതിക്കാരനെ ചതിക്കണമെന്ന കുറ്റകരമായ ഉദ്ദേശ്യത്തോടെയും കരുതലോടും കൂടി പരാതിക്കാരനുമായി ഫോണിലൂടെ ബന്ധപ്പെട്ട് വിശ്വാസം നേടിയ ശേഷം.