പൂജപ്പുര കഞ്ചാവ് കടത്ത് കേസില് വധശ്രമമടക്കം അനവധി ക്രിമിനല് കേസുകളില് പ്രതിയായ പല്ലന് സുരേഷ് എന്ന സുരേഷിനെ ഹാജരാക്കാന് ഉത്തരവിട്ട് കോടതി
പൂജപ്പുര കഞ്ചാവ് കടത്ത് കേസില് വധശ്രമമടക്കം അനവധി ക്രിമിനല് കേസുകളില് പ്രതിയായ പല്ലന് സുരേഷ് എന്ന സുരേഷിനെ ഹാജരാക്കാന് കോടതി ഉത്തരവിട്ടു.
വിചാരണ കോടതിയായ തിരുവനന്തപുരം ഒന്നാം അഡീ. ജില്ലാ സെഷന്സ് കോടതിയുടേതാണുത്തരവ്. പ്രതിയെ നവംബര് 18 ന് ഹാജരാക്കാന് പൂജപ്പുര സര്ക്കിള് ഇന്സ്പെക്ടറോട് ജഡ്ജി കെ. പി. അനില്കുമാര് ഉത്തരവിട്ടു.
നഗരത്തില് വില്പനക്കായി വാഹനത്തില് കൊണ്ടു വരവേ ഒരു കിലോ കഞ്ചാവുമായി പല്ലന് സുരേഷ് പിടിയിലായെന്നാണ് കേസ്.2020 നവംബര് 15 ലാണ് കേസിനാസ്പദമായ സംഭവം നടന്നത്.
പൂജപ്പുര സ്റ്റേഷന് പരിധിയില് പുന്നയ്ക്കാമുകള് ഞാലിക്കോണം കരിങ്കാളിക്ഷേത്രത്തിനു സമീപം പല്ലന് സുരേഷ് എന്ന സുരേഷാണ് പിടിയിലായത്. വാഹന പരിശോധനക്കിടെയാണ് പൊലീസ് കഞ്ചാവ് കണ്ടെടുത്തത്. സുരേഷിനെതിരെ വീടാക്രമണം , നരഹത്യാശ്രമം, അടിപിടി , കഞ്ചാവ് കടത്ത് എന്നീ കേസുകള് നിലവിലുണ്ട്.
"
https://www.facebook.com/Malayalivartha
