മഹതിയെന്ന് വിളിച്ച് അധിക്ഷേപിച്ച എംഎം മണിക്ക് മുട്ടന് പണിവെച്ച് ഇടുക്കി കളക്ടര്;മണിയാശാന് ഉറക്കമെഴുന്നേറ്റപ്പോള് ഏലക്കാടുകള് കളക്ടര് ഇങ്ങെടുത്തു,നേതാക്കന്മാരുടെയൊക്കെ കൈയ്യേറ്റങ്ങള്ക്ക് മേലെ കളക്ടര് സ്കെച്ചിട്ടു,എന്റെ ഏലക്കാടെന്ന് നിലവിളിച്ച് വിപ്ലവ സിംഹം
ഇടുക്കിയിലെ ഏലക്കാടുകല് വിയര്ക്കുന്നത് പോലും ചുവപ്പ് നിറത്തിലാണെന്ന് മുന് മന്ത്രി എംഎം മണിയെ പരിഹസിക്കുന്ന ഒരു സിനിമാ ഡയലോഗ് ഉണ്ടല്ലോ. സത്യത്തില് ഇടുക്കിയിലെ ഏലക്കാടുകള് വിയര്ത്തു പക്ഷെ അത് കളക്ടര് ഷീബ എം ജോര്ജിനെ കണ്ടിട്ടായിരുന്നു. ആ മഹതിയെന്നും വിളിച്ച് കളിയാക്കി മണിയാശാന് നാവ് വായിലേക്കിട്ടില്ല പിറ്റേന്ന് ഷീബയുടെ നേതൃത്വത്തില് ദൗത്യസംഘം എത്തി കൈയ്യേറി വെച്ചിരുന്ന ഏലക്കാടുകള് ഒഴിപ്പിച്ചു. സിപിഎമ്മുകാര്ക്ക് കണ്ണിലെ കരടാണ് ഷീബ. നേതാക്കന്മാരുടെയൊക്കെ കൈയ്യേറ്റങ്ങള്ക്ക് മേലെ കളക്ടര് സ്കെച്ചിട്ടിട്ടുണ്ട്.
മൂന്നാറില് ദൗത്യ സംഘം ഒഴിപ്പിച്ചത് ആനയിറങ്കല് ചിന്നക്കനാല് മേഖലയില് സര്ക്കാര് ഭൂമി കയ്യേറി നടത്തിയ ഏല കൃഷിയാണ്. അഞ്ച് ഏക്കര് ഏല കൃഷിയാണ് ജില്ലാ കളക്ടറുടെ കീഴിലുള്ള ദൗത്യ സംഘം ഒഴിപ്പിച്ചത്. ഇടുക്കി കളക്ടറെ കഴിഞ്ഞ ദിവസം കളിയാക്കിയിരുന്നു എംഎം മണി. തൊട്ടടുത്ത ദിവസം തന്നെ ആരും അറിയാതെ സംഘം ദൗത്യം നിര്വ്വഹിച്ചു. മണിയാശനെ വെല്ലുവളിക്കും വിധമായിരുന്നു ഇടപെടലുകള്. സിപിഎം ജില്ലാ നേതൃത്വവും ഒന്നും അറിഞ്ഞില്ല. റവന്യൂ മന്ത്രിയുടെ ഓഫീസാണ് എല്ലാം നിയന്ത്രിച്ചത്. മുന്നാറില് റവന്യൂ വകുപ്പിന്റെ സര്ജിക്കല് സ്ട്രൈക്കായിരുന്നു കണ്ടത്. കളക്ടറേറ്റിലെ അതിവിശ്വസ്തരെ മാത്രമേ ഓപ്പറേഷനെ കുറിച്ച് അറിയിച്ചിരുന്നുള്ളൂ. കയ്യേറ്റ ഭൂമിയില് ദൗത്യസംഘം സര്ക്കാര് ഭൂമിയെന്ന ബോര്ഡ് സ്ഥാപിച്ചു. സ്ഥലത്തെ കെട്ടിടങ്ങളും ഉദ്യോഗസ്ഥര് സീല് ചെയ്തു.
കയ്യേറ്റമൊഴിപ്പിക്കാന് മൂന്നാറിലേക്കെത്തുന്ന ദൗത്യസംഘത്തിന് കടുത്ത വെല്ലുവിളി ഉയര്ത്തുന്നത് എംഎം മണിയാണ്. അനധികൃത കയ്യേറ്റമെന്ന് പറഞ്ഞ് ഇടുക്കിക്കാരുടെ സൈ്വര്യ ജീവിതം തകര്ക്കാന് ആരുവന്നാലും ഓടിക്കുമെന്ന് എംഎം മണി പറഞ്ഞത്. പുതിയ വനം കയ്യേറ്റം വല്ലതുമുണ്ടെങ്കില് അതുമാത്രം നോക്കിയാല് മതി. മൂന്നാര് മേഖലയില് 2300 ഏക്കര് കയ്യേറ്റമെന്ന് റിപ്പോര്ട്ട് നല്കിയ ജില്ലാ കലക്ടറുടെ നടപടി ശുദ്ധ വിവരക്കേടാണെന്നും എം എം മണി പ്രതികരിച്ചത്. മണിയുടെ ഈ വിരട്ടൊന്നും വകവെക്കാതെയാണ് കളക്ടര് കൈയ്യേറ്റം ഒഴിപ്പിച്ചത്.
മൂന്നാറിലെ കയ്യേറ്റക്കാരെ ഒഴിപ്പിക്കാന് ശ്രമിക്കുന്ന ഉദ്യോഗസ്ഥരുടെ കൈ വെട്ടും കാല് വെട്ടും രണ്ടുകാലില് നടക്കാന് അനുവദിക്കില്ല എന്നെല്ലാം വാദിക്കുന്ന ആശാന് ഇപ്പോള് തേഞ്ഞൊട്ടിയിട്ടുണ്ട്. മൂന്നാറില് കയ്യേറ്റമില്ലെന്ന് എനിക്കുറപ്പാണ്. മൂന്നാറില് പണ്ടു വന്ന പൂച്ചകളെയെല്ലാം ഞങ്ങള് ഓടിച്ചതാണെന്ന് വീമ്പു പറയുന്ന എംഎം മണിക്ക് വലിയ തിരിച്ചടിയാണ് ചിന്നക്കനാലിലെ ഓപ്പറേഷന്. അതും മണി സ്ഥിരം വായില് തോന്നിയതൊക്കെ പറയുന്ന കളക്ടര് തന്നെയാണ് വന്ന് മുട്ടന് പണി കൊടുത്തിട്ട് പോയതും. മണിക്ക് ഇപ്പോള് ശരിക്കും മനസ്സിലായിക്കാണും സ്ത്രീ ശാക്തീകരണം എന്താണെന്ന്. ദേ ഇതാണ് മണി സാഖാവേ അത്. ്സ്ത്രീകളെ തെറി പറഞ്ഞും ഉദ്യോഗസ്ഥരെ ഭരണിപ്പാട്ട് പാടിയും വായടപ്പിക്കാമെന്നുള്ള മണിയുടെ ആ ധാര്ഷ്ട്യം അങ്ങ് തീര്ന്നു. എംഎം മണി വെറുതെ വായിട്ടലക്കും പക്ഷെ നിശ്ചയദാര്ഡ്യമുള്ളവര് വായിട്ടലക്കാന് വരില്ല ഇതുപോലെ പണിഞ്ഞിട്ട് പോകും. ഇടുക്കിയില് ചാര്ജെടുക്കുന്ന കളക്ടര്മാരെല്ലാം അഞ്ച് കാശിന് പഠിപ്പും വിവരും ഇല്ലാത്ത രാഷ്ട്രീയക്കാരുടെ കാലുനക്കി അവര്ക്ക് കുഴലൂത്ത് നടത്തുമെന്നാണ് മണി കരുതിയത.് പക്ഷെ അങ്ങനെയല്ല പണിയെടുക്കുന്ന നല്ല ഒന്നാന്തരം ഉദ്യോഗസ്ഥരും ഉണ്ട് കേട്ടോ. മണിയുടെ അനുജന് ഏക്കറ് കണക്കിന് ഭൂമിയാണ് കൈയ്യേറി വെച്ചിരിക്കുന്നത്. ഇനി അവിടെ കൈ വെക്കണം കളക്ടര്.
https://www.facebook.com/Malayalivartha
