സംസ്ഥാനത്തെ 12 എസ്ഐ മാരെ ഇൻസ്പെക്ടർ എസ് എച്ച് മാർ ആക്കി സ്ഥാനക്കയറ്റം നൽകി സംസ്ഥാന പോലീസ് മേധാവിയുടെ ഉത്തരവ്. കോട്ടയം ജില്ലയിൽ 11 ഇൻസ്പെക്ടർ എസ് മാർക്കും സ്ഥലം മാറ്റം ഉണ്ട്. ബോബി വർഗീസ് , അഭിലാഷ് എ.എൽ , വി.എസ് അനിൽകുമാർ , നിധിൻ ടി.കെ , ശ്രീകുമാർ എസ് , അമീർ സിങ്ങ് നായകം എ ജെ , ജയപ്രകാശ് വി , കിരൺ എസ് , ഷമീർ എസ് , സഞ്ജു ജോസഫ് , വിനീഷ് വി.എസ്, രതീഷ് പി.എം എന്നിവരാണ് സ്ഥാനക്കയറ്റം ലഭിച്ച എസ്ഐമാർ.

കോട്ടയം സൈബർ ക്രൈം പൊലീസ് സ്റ്റേഷനിലെ വി.എസ് അനിൽകുമാറാണ് ചിങ്ങവനം സ്റ്റേഷനിലെ പുതിയ എസ് എച്ച് ഒ. നിലവിൽ ചിങ്ങവനത്തെ എസ് എച്ച് ആയ ബി. എസ് ബിനുവിനെ തൃശൂർ വാടാനപ്പള്ളി പൊലീസ് സ്റ്റേഷനിലേയ്ക്കാണ് സ്ഥലം മാറ്റിയത്. കോട്ടയം ഈസ്റ്റ് എസ് എച്ച് ഒ ആയി യു.ശ്രീജിത്ത് പാലക്കാട് ഷൊർണ്ണൂരിൽ നിന്നും എത്തി ചുമതലയേൽക്കും. നിലവിൽ എസ് എച്ച് ഒ ആയ പി. എസ് ഷിജു , ആലപ്പുഴ അരൂരിലേയക്കാണ് സ്ഥലം മാറി പോകുന്നത്.

കോട്ടയം മണർകാട് എസ് എച്ച് ഒ ആയി കൊച്ചി ഇൻഫോ പാർക്കിൽ നിന്നും അനിൽ ജോർജ് എത്തുമ്പോൾ , പി.ആർ സന്തോഷ് ഇൻഫോ പാർക്കിലേയ്ക്ക് പോകും. പള്ളിക്കത്തോട്ടിൽ നിന്നും എം.പി എബി വാകത്താനത്തേയ്ക്കും , നിലവിൽ വാകത്താനത്തുള്ള അനിൽകുമാർ തൃശൂർ പയ്യന്നൂരിലേയ്ക്കും പോകും. തൃശൂർ പയ്യന്നൂരിൽ നിന്നും ഹരികൃഷ്ണൻ കെ.വി പള്ളിക്കത്തോട്ടിൽ എത്തും. വിജിലൻസിൽ നിന്നും എ.എസ്. അൻസിൽ കുമരകത്ത് എത്തുമ്പോൾ നിലവിലുള്ള ബിൻസ് ജോസഫ് വിജിലൻസിലേയ്ക്ക് മാറും. പുത്തൻകുരിശിൽ നിന്നും ദിലീഷ് ടി പൊൻകുന്നത്ത് എത്തും. നിലവിൽ പൊൻകുന്നം എസ്.എച്ച്.ഒ ആയ എൻ. രാജേഷ് വയനാട് ക്രൈം ബ്രാഞ്ചിലേയ്ക്ക് എത്തും.

കോട്ടയം വെള്ളൂരിൽ ഡി. പങ്കജാക്ഷൻ ഇടുക്കി രാജാക്കാട് സ്റ്റേഷനിൽ നിന്നും എത്തും. തിടനാട് രാജേഷ് എം കൊല്ലം ചിതറയിൽ നിന്നും എത്തും. ജയപ്രകാശ് വി, എറണാകുളം ക്രൈംബ്രാഞ്ചിൽ നിന്നും മണിമലയിൽ എസ് എച്ച് ഒ ആയി ചുമതലയേക്കും. നിലവിൽ മണിമല എസ് എച്ച് ഒ ആയ ഷാജിമോൻ ബി ആലപ്പുഴ വള്ളിക്കുന്ന് പോലീസ് സ്റ്റേഷനിലേക്കാണ് സ്ഥലം മാറിപ്പോകുന്നത്. തിടനാട് നിന്ന് പ്രശോഭ് കെ.കെ കറുകച്ചാൽ പോലീസ് സ്റ്റേഷനിൽ നിന്ന് എസ് എച്ച് ഒ ആയി കറുകച്ചാലിൽ ചുമതല ഏൽക്കും. കറുകച്ചാലിൽ നിന്നും കെ എം മഹേഷ് കുമാർ കരുവാരക്കുണ്ട് പോലീസ് സ്റ്റേഷനിലേക്ക് സ്ഥലം മാറിപ്പോകും.