പാമ്പുകളെ സുരക്ഷിതമായി പിടികൂടാം... പാമ്പുകളെ പിടികൂടുന്നതില് വൈദഗ്ധ്യമുള്ള വാവ സുരേഷിന് പാമ്പിനെ പിടിക്കാന് ലൈസന്സ് നല്കാന് വനംവകുപ്പ് തീരുമാനം...
പാമ്പുകളെ സുരക്ഷിതമായി പിടികൂടാം... പാമ്പുകളെ പിടികൂടുന്നതില് വൈദഗ്ധ്യമുള്ള വാവ സുരേഷിന് പാമ്പിനെ പിടിക്കാന് ലൈസന്സ് നല്കാന് വനംവകുപ്പ് തീരുമാനം...
ആയിരക്കണക്കിനു പാമ്പുകളെ പിടികൂടിയ സുരേഷിന് വനം വകുപ്പ് ഇതു വരെ ലൈസന്സ് നല്കിയിരുന്നില്ല. ഇന്നലെ നിയമസഭാ പെറ്റിഷന്സ് കമ്മിറ്റിയുടെ തെളിവെടുപ്പില്, വനം വകുപ്പിന്റെ നിയമങ്ങള് അംഗീകരിച്ച് പാമ്പുകളെ സുരക്ഷിതമായി പിടികൂടാനായി സന്നദ്ധനാണെന്ന് സുരേഷ. ് ഇതിന് പിന്നാലെയാണ് വാവ സുരേഷിന് ലൈസന്സ് നല്കാനായി വനംവകുപ്പ് തീരുമാനിച്ചത്.
തന്നെ പാമ്പുപിടിക്കാനായി വനം വകുപ്പ് അരിപ്പ ട്രെയിനിംഗ് സെന്റര് ഡയറക്ടര് അന്വറിന്റെ നേതൃത്വത്തില് അനുവദിക്കുന്നില്ലെന്ന് കാട്ടി നിയമസഭ പെറ്റിഷന് കമ്മിറ്റിക്ക് വാവ സുരേഷ് നല്കിയ പരാതിയില് ഹീയറിംഗ് നടത്താനായി കൂടിയ യോഗത്തിലാണ് തീരുമാനമായത്.
കമ്മിറ്റി ചെയര്മാന് കെ.ബി.ഗണേഷ് കുമാര് എംഎല്എയുടെ അദ്ധ്യക്ഷതയിലാണ് യോഗം ചേര്ന്നത്. പാമ്പ് പിടിക്കുന്നതിലും അവയെ കൈകാര്യം ചെയ്യുന്നതിലും വാവ സുരേഷിനുള്ള വര്ഷങ്ങള് നീണ്ട വൈദഗ്ദ്ധ്യം പരിഗണിച്ചാണ് തീരുമാനം.
അശാസ്ത്രീയമായ രീതിയിലാണ് വാവ സുരേഷ് പാമ്പ് പിടിക്കുന്നതെന്ന് ആരോപിച്ചായിരുന്നു വനം വകുപ്പിലെ ഒരുവിഭാഗം ഇത്രയും നാള് തടസം നിന്നത്. ഇതിനാല് സുരേഷിന് ലൈസന്സ് നല്കിയിട്ടുണ്ടായിരുന്നില്ല. വനം വകുപ്പിന്റെ നിയമങ്ങള് അംഗീകരിച്ച് പാമ്പുകളെ സുരക്ഷിതമായി പിടികൂടാനായി സന്നദ്ധനാണെന്ന് സുരേഷ് അറിയിച്ചതോടെ ലൈസന്സിനായി വനം വകുപ്പിന് അപേക്ഷ നല്കാന് പെറ്റിഷന് കമ്മിറ്റി നിര്ദ്ദേശിച്ചു.പാമ്പുകളെ പിടികൂടാനുള്ള ലൈസന്സ് വനം വകുപ്പ് ആസ്ഥാനത്തുനിന്ന് ഉടന് കൈമാറും.
https://www.facebook.com/Malayalivartha
