കൊച്ചിയില്‍ നടിയെ ആക്രമിച്ച കേസില്‍ ഗൂഢാലോചന കുറ്റം തെളിയിക്കാന്‍ പ്രോസിക്യൂഷന് സാധിച്ചില്ലെന്ന് ചൂണ്ടിക്കാട്ടിയാണ് എട്ടാം പ്രതിയായ ദിലീപിനെ കോടതി കുറ്റവിമുക്തനാക്കിയത്. ഇതിനെ പിന്തുണച്ചും എതിര്‍ത്തും നിരവധി പേര്‍ രംഗത്തെത്തിയിരുന്നു. ഇപ്പോഴിതാ സംഭവത്തെക്കുറിച്ച് 2017ല്‍ താന്‍ പറഞ്ഞ കാര്യങ്ങളടങ്ങിയ പത്രക്കുറിപ്പ് പങ്കുവച്ചിരിക്കുകയാണ് നടന്‍ ജോയ് മാത്യു.

കേസിന്റെ അന്തിമഫലം അഭിഭാഷകരെയും പണത്തിന്റെ സ്വാധീനവും ആശ്രയിച്ചിരിക്കുമെന്നാണ് 2017ല്‍ ദേശീയ മാദ്ധ്യമത്തിന് നല്‍കിയ അഭിമുഖത്തില്‍ ജോയ് മാത്യു പറഞ്ഞിരുന്നത്. പറയാനുള്ളത് നേരത്തെ പറഞ്ഞുപോയി എന്ന അടിക്കുറിപ്പോടെയാണ് പഴയ പത്ര കട്ടിംഗ്‌സ് അദ്ദേഹം ഫേസ്ബുക്കില്‍ പങ്കുവച്ചിരിക്കുന്നത്.