ഒന്പത് വയസുകാരിയോട് ലൈംഗികതിക്രമം നടത്തിയ 41 കാരന് ശിക്ഷ വിധിച്ച് കോടതി
ഇടുക്കിയില് ഒന്പത് വയസുകാരിയോട് ലൈംഗികതിക്രമം നടത്തിയ 41 കാരന് അഞ്ച് വര്ഷം കഠിന തടവും 30000 രൂപ പിഴയും ശിക്ഷ വിധിച്ചു. ഇടുക്കി ഗാന്ധി നഗര് കോളനി നിവാസി ചന്ത്യത് വീട്ടില് ഗിരീഷിനെയാണ് ഇടുക്കി അതിവേഗ കോടതി ജഡ്ജ് മഞ്ജു വി ശിക്ഷിച്ചത്. പിഴ ഒടുക്കിയില്ലെങ്കില് ആറു മാസം അധിക തടവ് അനുഭവിക്കണം. 2024 ഓണാവധി കാലത്താണ് കേസിനാസ്പദമായ സംഭവം. ഹോസ്റ്റലില് നിന്ന് പഠിച്ചിരുന്ന പെണ്കുട്ടി അവധിക്ക് വീട്ടില് വന്നപ്പോള് പ്രതിയുടെ മകളുടെ കൂടെ കളിക്കാന് പ്രതിയുടെ വീട്ടില് എത്തിയ സമയത്താണ് അതിക്രമം ഉണ്ടായത്.
പ്രതിയുടെ വീടിന്റെ ടെറസില് ഇരുന്നു കളിച്ചു കൊണ്ടിരുന്ന അതിജീവിതയെ പെന്സില് എടുക്കാന് പ്രതിയുടെ മകള് പറഞ്ഞു വിട്ടപ്പോള് ഗിരീഷ് റൂമില് വച്ച് കുട്ടിയോട് അതിക്രമം കാണിച്ചു എന്നാണ് പ്രൊസീക്യൂഷന് കേസ്. കേസിന്റെ വിചാരണയില് പ്രതിയുടെ ഭാര്യയും പ്രതിയുടെ സ്വന്തം മകളും പ്രതിക്കെതിരെ മൊഴി നല്കിയതും കേസില് നിര്ണായകമായി. പ്രൊസീക്യൂഷന് വേണ്ടി സ്പെഷ്യല് പബ്ലിക് പ്രോസീക്യൂട്ടര് അഡ്വ. ഷിജോമോന് ജോസഫ് കണ്ടത്തിങ്കരയില് കോടതിയില് ഹാജരായി.
https://www.facebook.com/Malayalivartha
