ക്രിസ്മസ് അവധി പ്രഖ്യാപിച്ച് സംസ്ഥാന സർക്കാർ. ഡിസംബർ 24മുതൽ ജനുവരി നാലുവരെയാണ് ക്രിസ്മസ് അവധി. എല്ലാം കൂടി ഇത്തവണ ക്രിസ്മസ് അവധി 12 ദിവസമുണ്ടാകും. ഇതു സംബന്ധിച്ച് ഉത്തരവും സർക്കാർ പുറത്തിറക്കി.

സാധാരണ ക്രിസ്മസ് അവധി 10 ദിവസമാണ് ഉണ്ടാകാറുള്ളത്. ഇത്തവണ ​ക്രിസ്മസ് പരീക്ഷ തീയതികളിൽ മാറ്റം വരുത്തിയതോടെയാണ് അവധി ദിനങ്ങളുടെ എണ്ണം കൂടിയത്. ഡിസംബർ 15ന് തുടങ്ങുന്ന ക്രിസ്മസ് പരീക്ഷകൾ 23നാണ് അവസാനിക്കുക.