മഹാനടൻ മോഹൻലാലുമായുള്ള അഭിമുഖത്തിൽ മുഖ്യമന്ത്രിയുടെ തുറന്നുപറച്ചിലുകൾ ശ്രദ്ദേയമാകുന്നു. ഭൂതപ്രേത പിശാചുക്കളെ തനിക്ക് ഭയങ്കര പേടിയായിരുന്നുവെന്ന് മുഖ്യമന്ത്രി പിണറായി വിജയൻ. ചെറുപ്പത്തിലേ ഭയത്തെ കുറിച്ചായിരുന്നു അദ്ദേഹം പറഞ്ഞത്. ആ സമയത്ത് ലൈറ്റ് ഒന്നും ഇല്ലായിരുന്നു. എംഎൽഎയായിരിക്കുമ്പോൾ തന്നെ വീട്ടിൽ വൈദ്യുതി ഉണ്ടായിരുന്നില്ല. അങ്ങനെയൊരു കാലമായിരുന്നു അത്. രാത്രിയിലെ ഇരുളിൽ ഏത് സമയവും എവിടെയും ഏത് പ്രേതവും ഭൂതവും പ്രത്യക്ഷപെടാമെന്ന ഭയമുണ്ടായിരുന്നു.

അതെല്ലാം വളർന്നപ്പോൾ താൻ തന്നെ മാറ്റിയെടുത്തു. ഒഴിവുവേളകൾ കിട്ടുവാണെങ്കിൽ വായനവും ടിവിയിൽ സിനിമ കാണുകയുമാണ് ചെയ്യറുള്ളത്. മലയാള സിനിമയിൽ മറക്കാനാവാത്ത സിനിമകളിലൊന്ന് അമൃതം ഗമയ . ചില സിനിമയിലെ രംഗങ്ങൾ കാണുമ്പോൾ ജീവിതവുമായി ബന്ധമുണ്ടെന്ന് തോന്നാറുണ്ട്.

സിനിമയിൽ അഭിനയിക്കാൻ ഒരു അവസരം കിട്ടിയാൽ ഏതു വേഷം ചെയ്യാനാണ് ആഗ്രഹമെന്ന മോഹൻലാലിന്റെ ചോദ്യത്തിന് രസകരമായി മറുപടി പറഞ്ഞ് മുഖ്യമന്ത്രി പിണറായി വിജയൻ. ‘സിനിമയിൽ അഭിനയിക്കാനുള്ള കാലം കഴിഞ്ഞല്ലോ. ഇപ്പോൾ പറ്റുന്ന ഒരേ റോൾ ഉള്ളൂ. പ്രായമുള്ള കഥാപാത്രം,’ എന്നായിരുന്നു മുഖ്യമന്ത്രിയുടെ മറുപടി..