ആരോ​ഗ്യമന്ത്രിയുടെ കഴുത്തുളുക്കിയതോടെ പണി പോകുന്നത് മറ്റു ചിലർക്കാണ്. അപകടമുണ്ടായ സമയത്ത് കൂടെ സുരക്ഷയുറപ്പാക്കാൻ ഉണ്ടായിരുന്ന ​ഗൺമാൻ മുതൽ ചികിത്സ നൽകിയ ആരോ​ഗ്യ വിദ​ഗ്തരടക്കം സംശയ നിഴലിലാണ്. പരിയായം മെഡിക്കൽ കോളേജിൽ ചികിത്സ നേടിയ സമയം മന്ത്രിക്കൊപ്പം ഉണ്ടായിരുന്ന സിസ്റ്റർ ഒരു സെൽഫി ഫോട്ടോ സോഷ്യൽ മീഡിയയിൽ ഇട്ടതോടെ കളി കാര്യമായി.

നിലവിൽ സംഭവം കെട്ടിച്ചമച്ച കഥയാണ് എന്ന് പറഞ്ഞു കൊണ്ടിരിക്കുന്നതിനിടൊണ് ഈ ഫോട്ടോ പുറത്ത് വന്നത്. അപ്പോൾ ആരോ​ഗ്യമന്ത്രിയ്ക്ക് ഈ പറയുന്ന വേദനയൊക്കെ ഉണ്ടായെന്ന് പറയുന്നത് കള്ളമായിരുന്നോ എന്നുളളതാണ് സംശയം.. ഫോട്ടോ പുറത്ത് വന്നതിന് പിന്നാലെ സോഷ്യൽ മീഡിയയിൽ നഴ്സിന് കുറുപ്പ് പങ്കുവയ്ക്കേണ്ടി വന്നിരിക്കുകയാണ്.

പരിയാരം ഗവ. മെഡിക്കൽ കോളജ് ആശുപത്രിയിൽ ചികിത്സയിലുണ്ടായിരുന്ന ആരോഗ്യമന്ത്രി വീണാ ജോർജിനൊപ്പം സെൽഫി എടുത്ത സംഭവത്തിൽ വിശദീകരണവുമായി ആരോഗ്യപ്രവർത്തക പി.സി.സ്മിത. കുറഞ്ഞ മണിക്കൂറുകൾക്കുള്ളിൽ മന്ത്രിയോട് അത്രയും അടുപ്പം ഉണ്ടായെന്നും അതുകൊണ്ടാണ് ഫോട്ടോ എടുത്തതെന്നും സ്മിത സമൂഹമാധ്യമത്തിൽ കുറിച്ചു.

മന്ത്രി അഭിനയിച്ചെന്നും നാടകം കളിച്ചെന്നുമുള്ള പ്രചാരണം മനുഷ്യത്വമില്ലായ്മയാണെന്നും സ്മിത പറഞ്ഞു. മന്ത്രിയും ആരോഗ്യപ്രവർത്തകരും ചിരിച്ചുകൊണ്ടുള്ള ചിത്രം സമൂഹമാധ്യമങ്ങളിൽ പ്രചരിച്ചതോടെ മന്ത്രിയുടെ ഓഫിസ് മെഡിക്കൽ കോളജ് അധികൃതരോടു വിശദീകരണം തേടിയിരുന്നു. തുടർന്ന് ആശുപത്രി സൂപ്രണ്ട് അന്വേഷണത്തിന് ഉത്തരവിട്ടു. ആരോഗ്യപ്രവർത്തകർക്കെതിരെ നടപടി വന്നേക്കും.