രാഹുൽ മാങ്കൂട്ടത്തിൽ എം.എൽ.എ-യും പാലക്കാട് എം.പി വി.കെ ശ്രീകണ്ഠനും തമ്മിലുള്ള കൂടിക്കാഴ്ച രാഷ്ട്രീയ വൃത്തങ്ങളിൽ ചർച്ചയാകുന്നു. അടൂരിലെ സ്വകാര്യ ഹോട്ടലിൽ വെച്ചായിരുന്നു ഇരുവരും കണ്ടുമുട്ടിയത്. കോൺഗ്രസിൽ നിന്ന് പുറത്താക്കപ്പെട്ട ശേഷം ഒരു മുതിർന്ന കോൺഗ്രസ് നേതാവ് രാഹുലുമായി നടത്തുന്ന ആദ്യ നേരിട്ടുള്ള കൂടിക്കാഴ്ചയാണിത്. പ്രതിപക്ഷ നേതാവ് നയിക്കുന്ന പുതുയുഗ യാത്രയുടെ ഭാഗമായാണ് വി.കെ ശ്രീകണ്ഠൻ അടൂരിലെത്തിയത്. ഹോട്ടൽ റെസ്റ്റോറന്റിൽ വെച്ച് നടന്ന കൂടിക്കാഴ്ചയെ രാഹുൽ മാങ്കൂട്ടത്തിൽ ന്യായീകരിച്ചു.