സ്കൂള് ഉച്ചഭക്ഷണ പദ്ധതി പ്ലസ് ടു തലത്തിലേക്ക് കൂടി വ്യാപിപ്പിക്കുമെന്ന് മന്ത്രി എന് ഷംസുദ്ദീന്
സര്ക്കാര് സ്കൂളുകളിലെ ഉച്ചഭക്ഷണ പദ്ധതി പ്ലസ് ടു തലത്തിലേയ്ക്ക് വ്യാപിപ്പിക്കാന് സര്ക്കാര് സന്നദ്ധമാണെന്ന് പൊതുവിദ്യാഭ്യാസ വകുപ്പ് മന്ത്രി എന് ഷംസുദ്ദീന്. സ്കൂള് വിദ്യാര്ത്ഥികള്ക്കുള്ള ഓണം സ്പെഷ്യല് അരി വിതരണത്തിന്റെ സംസ്ഥാനതല ഉദ്ഘാടനം നിര്വ്വഹിച്ച് സംസാരിക്കുകയായിരുന്നു അദ്ദേഹം.
നിലവില് എട്ടാം ക്ലാസുവരെയുള്ള വിദ്യാര്ഥികള്ക്കാണ് ഉച്ചഭക്ഷണ പദ്ധതിയുള്ളത്. എന്നാല് കേന്ദ്രാവിഷ്കൃത പിഎം പോഷണ് പദ്ധതിയുടെ ഭാഗമായി ഒന്പതാം ക്ലാസ് മുതല് പന്ത്രണ്ടാം ക്ലാസുവരെയുള്ള വിദ്യാര്ത്ഥികള്ക്കും ഉച്ചഭക്ഷണം നല്കുന്നത് സംബന്ധിച്ച് കേന്ദ്രം സംസ്ഥാനത്തിന്റെ അഭിപ്രായം തേടിയിരുന്നതായും കഴിഞ്ഞ മാസം ഡല്ഹിയില് ചേര്ന്ന യോഗത്തില് കേരളം ഇതിന് സമ്മതം അറിയിച്ചിട്ടുണ്ടെന്നും അദ്ദേഹം വ്യക്തമാക്കി.
ഭക്ഷണം പൗരന്റെ അടിസ്ഥാന അവകാശമാണെന്നും ക്ഷേമരാഷ്ട്രത്തില് അത് സംരക്ഷിക്കപ്പെടണമെന്നും മന്ത്രി കൂട്ടിച്ചേര്ത്തു. എല്ലാവര്ക്കും സമൃദ്ധമായ ഓണം ഉറപ്പാക്കാനും സാമ്പത്തിക ബുദ്ധിമുട്ടുകളില്ലാതെ ആഘോഷിക്കാനുമാണ് സര്ക്കാര് ലക്ഷ്യമിടുന്നതെന്നും മന്ത്രി പറഞ്ഞു.
https://www.facebook.com/Malayalivartha
