രാഷ്ട്രീയ നേട്ടത്തിനായി സി പി എം നേതൃത്വത്തിൽ കുംഭമേള വൈറൽ താരം മധ്യപ്രദേശ് ഹിന്ദു പട്ടിക വർഗ്ഗ സമുദായംഗമായ 16 കാരിയെ യുപി സ്വദേശി മുസ്ലീം മതസ്ഥനായ 25 കാരൻ മുഹമ്മദ് ഫർമാൻ ഖാനുമായി നിയമ വിരുദ്ധ ചതി വിവാഹം നടത്തിയതിന് സിപിഎം സംസ്ഥാന സെക്രട്ടറി എം.വി. ഗോവിന്ദൻ മാസ്റ്ററടക്കം 6 പേർക്കെതിരെ പോക്സോ , ബാല വിവാഹം, പട്ടിക വർഗ്ഗ അതിക്രമം തടയൽ , ഭാരതീയ ന്യായ സംഹിത വകുപ്പുകൾ ചുമത്തി കേസ് എടുക്കണമെന്നാവശ്യപ്പെട്ടുള്ള ഹർജിയിൽ മഹേശ്വർ പോലീസ് റിപ്പോർട്ട് ഹാജരാക്കുന്നതിനായി ഇന്ന് (20 ന് ) പരിഗണിക്കും.

അതേസമയം ജൂൺ 20 ന് കേസ് പരിഗണിക്കവേ മധ്യ പ്രദേശ് മഹേശ്വർ പോലീസ് റിപ്പോർട്ട് ഹാജരാക്കിയില്ല.ആഗസ്റ്റ് 20 ന് റിപ്പോർട്ട് ഹാജരാക്കാൻ ഓർമ്മപ്പെടുത്തൽ കത്തയക്കാൻ തിരുവനന്തപുരം പോക്സോ കോടതി ജഡ്ജി കെ.എൻ. സുനിത ഉത്തരവിട്ടു.
മധ്യപ്രദേശ് മഹേശ്വർ പോലീസ് റിപ്പോർട്ട് ജൂൺ 20 ന് ഹാജരാക്കാൻ മെയ് 20 ന് കോടതി ഉത്തരവിട്ടിരുന്നു.
അതേ സമയം മെയ് 20 ന് റിപ്പോർട്ട് ഹാജരാക്കിയിരുന്നില്ല.തുടർന്ന് ജൂൺ 20 ന് റിപ്പോർട്ട് ഹാജരാക്കാൻ കോടതി ഉത്തരവിട്ടു. പ്രതികളുടെ വിവരങ്ങൾ,, ചുമത്തിയ വകുപ്പുകൾ, കേസ് രജിസ്ടേഷൻ അടക്കമുളള വിശദ റിപ്പോർട്ട് മെയ് 20 ന് ഹാജരാക്കാൻ ഏപ്രിൽ 27 ന് കോടതി ഉത്തരവിട്ടിരുന്നു റിപ്പോർട്ട് ഹാജരാക്കുന്നത് വരെ ഹർജിയിലെ തുടർ നടപടി താൽക്കാലികമായി സ്റ്റേ ചെയ്തിരുന്നു. വ്യാജ വിവാഹം നടത്തിക്കൊടുത്ത മാർച്ച് 11 ന് അതിജീവിതക്ക് 16 വയസ്സും 2 മാസവും മാത്രമായിരുന്നു പ്രായം എന്ന് തെളിയിക്കാൻ 2009 ഡിസംബർ 30 ന് അതിജീവിത ജനിച്ചതായ മഹേശ്വർ ഗവ: ആശുപത്രി ജനന രജിസ്റ്റർ, അത് പ്രകാരം മധ്യപ്രദേശ് സർക്കാർ മഹേശ്വർ കമ്യൂണിറ്റി ഹെൽത്ത് സെന്റർ ജനന രജിസ്ട്രാർ നൽകിയ ജനന സർട്ടിഫിക്കറ്റ് ഉൾപ്പെടെ 12 രേഖകൾ വാദിയായ അഡ്വ. നെയ്യാറ്റിൻകര പി നാഗരാജ് കോടതിയിൽ ഹാജരാക്കിയിട്ടുണ്ട്.