ജോലിസ്ഥലത്തുണ്ടായ വിവേചനങ്ങളിൽ തളർന്നു പോകാതെ തനിയെ പോരാടി ജീവിതം വെട്ടിപ്പിടിച്ച വനിതയാണ് പ​യ്യ​ന്നൂ​ര്‍ എ​ടാ​ട്ടെ ദ​ലി​ത് ഓ​ട്ടോ​ഡ്രൈ​വ​ര്‍ എ​ര​മം​ഗ​ലം ചി​ത്ര​ലേ​ഖ. മുൻപ് ഇവരുടെ ജീവിതം ഡ​ല്‍​ഹി ജ​വ​ഹ​ര്‍​ലാ​ല്‍ നെ​ഹ്​​റു സ​ര്‍​വ​ക​ലാ​ശാ​ല​യി​ല്‍ ഗ​വേ​ഷ​ണ​വി​ഷ​യ​മാ​യി​രു​ന്നു. ഇപ്പോഴിതാ ചിത്രലേഖയുടെ ജീവിതം ബോളിവുഡ് സിനിമയാകുകയാണ്. ചി​ത്ര​ലേ​ഖ​യു​ടെ പോരാട്ട ജീവിതം തിരക്കഥയാക്കുന്നത് ബ്രി​ട്ടീ​ഷ് ച​ല​ച്ചി​ത്ര​കാ​ര​ന്‍ ഫ്രെ​യ്സ​ര്‍ സ്കോ​ട്ടാ​ണ്. ചി​ത്ര​ലേ​ഖ​യെ​ക്കു​റി​ച്ച്‌ ഇ​ന്‍​റ​ര്‍​നെ​റ്റി​ല്‍​നി​ന്ന​റി​ഞ്ഞാ​ണ് ഫ്രെ​യ്സ​ര്‍ സ്കോ​ട്ട് ക​ണ്ണൂ​രി​ലെ​ത്തുന്നത്.

2004ലാ​ണ് ചി​ത്ര​ലേ​ഖ വീ​ട്ടി​ന​ടു​ത്ത ഓ​ട്ടോ​യുമായെത്തിയത്. എ​ന്നാ​ല്‍, സി.​ഐ.​ടി.​യു യൂ​നി​യ​നി​ല്‍​പെ​ട്ട ഡ്രൈ​വ​ര്‍​മാ​രു​ടെ എ​തി​ര്‍​പ്പു​മൂ​ലം ഓ​ട്ടോ ഓ​ടി​ക്കാ​നാ​യി​ല്ലെ​ന്ന് ചി​ത്ര​ലേ​ഖ പ​രാ​തി​പ്പെ​ട്ടു. ചിത്രലേഖയുടെ ഓട്ടോ കു​ത്തി​ക്കീ​റി ന​ശി​പ്പി​ക്കു​ക​യും​ ചെയ്തു. ഇ​ത് വ​ന്‍ പ്ര​തി​ഷേ​ധ​ത്തി​ന് വ​ഴി​വെച്ചിരുന്നു.

മ​നു​ഷ്യാ​വ​കാ​ശ​പ്ര​വ​ര്‍​ത്ത​ക​രും ദ​ലി​ത് സം​ഘ​ട​ന നേ​താ​ക്ക​ളും എ​ടാ​ട്ട് വ​ന്‍ പ്ര​തി​ഷേ​ധ​സ​മ്മേ​ള​നം ന​ട​ത്തി. ഇ​വ​ര്‍ പു​തി​യ ഓ​ട്ടോ​റി​ക്ഷ വാ​ങ്ങി​ന​ല്‍​കു​ക​യും ചെ​യ്തു. എ​ന്നാ​ല്‍, തു​ട​ര്‍​ന്നും എ​ടാ​ട്ട് സ്​​റ്റാ​ന്‍​ഡി​ല്‍ ഓ​ടാ​നാ​യി​ല്ല. മാ​ത്ര​മ​ല്ല, ഇ​രു​ഭാ​ഗ​ങ്ങ​ളി​ലു​മാ​യി നി​ര​വ​ധി കേ​സു​ക​ളു​ണ്ടാ​വു​ക​യും ചെ​യ്തു. ചി​ത്ര​ലേ​ഖ​യെ​യും ഭ​ര്‍​ത്താ​വ് ശ്രീ​ഷ്കാ​ന്തി​നെ​യും പൊ​ലീ​സ് അ​റ​സ്​​റ്റ്​​ചെ​യ്യു​ക​യു​മു​ണ്ടാ​യി. ജീ​വി​ക്കാ​ന​നു​വ​ദി​ക്ക​ണ​മെ​ന്നാ​വ​ശ്യ​പ്പെ​ട്ട് ക​ണ്ണൂ​ര്‍ ക​ല​ക്ട​റേ​റ്റി​നു മു​ന്നി​ലും തി​രു​വ​ന​ന്ത​പു​ര​ത്തും കു​ടി​ല്‍​കെ​ട്ടി സ​മ​രം ന​ട​ത്തു​ക​യും​ചെ​യ്തി​രു​ന്നു. ഒ​ടു​വി​ല്‍ ക​ഴി​ഞ്ഞ സ​ര്‍​ക്കാ​ര്‍ ഇ​വ​ര്‍​ക്ക് ക​ണ്ണൂ​ര്‍ കാ​ട്ടാമ്പ​ള്ളി​യി​ല്‍ അഞ്ചുസെന്റ് സ്ഥ​ലം ന​ല്‍​കി. ഈ ​സം​ഭ​വ​ബ​ഹു​ല​മാ​യ ജീ​വി​ത​മാ​ണ് ച​ല​ച്ചി​ത്ര​മാ​വു​ന്ന​ത്.