സോണിയയ്ക്കും രാഹുലിനും വോട്ടു ചെയ്യാനുള്ള ജനങ്ങള് ക്ഷമിക്കണം, അമേതിയിലും റായ്ബറേലിയിലും ഏര്പ്പെടുത്തിയ പവര്ക്കട്ട് കേന്ദ്രം ഇടപെട്ട് പിന്വലിപ്പിച്ചു
അമേതി, റായ്ബറേലി... ഇവിടെ പവര്ക്കെട്ടെന്ന പ്രതിഭാസമേ ഇല്ല. മറ്റുള്ള സ്ഥലങ്ങളിലെ ജനങ്ങള് കറണ്ടില്ലാതെ ദിവസങ്ങളോളം വിയര്ത്തൊഴുകുമ്പോള് ഇവിടെയുള്ളവരാകട്ടെ രാജകീയമായി കഴിഞ്ഞു. വി.വി.ഐ.പി. മണ്ഡലങ്ങളായതു കൊണ്ട് തുല്യ നീതിയോക്കെ അങ്ങനെ കാറ്റില് പറന്നു പോയി.
ഉത്തര് പ്രദേശ് നെഹ്റു കുടുംബത്തിന് എന്നും വേണ്ടപ്പെട്ടതാണ്. ഉത്തര്പ്രദേശില് നിന്നും കോണ്ഗ്രസിന് ഭരണം നഷ്ടപ്പെട്ടിട്ട് പതിറ്റാണ്ടുകളായെങ്കിലും നെഹ്റു കുടുംബത്തിലെ അംഗങ്ങള്ക്ക് പ്രിയമാണ് ഇവിടത്തെ ലോക്സഭാ മണ്ഡലങ്ങള്. ഇവിടത്തെ ചില ലോക്സഭാ മണ്ഡലങ്ങള്ക്ക് ഗ്ലാമര് പരിവേഷം കൂടുതലാണ്. യു.പി.എ. അധ്യക്ഷ സോണിയാ ഗാന്ധി, ഉപാധ്യക്ഷന് രാഹുല് ഗാന്ധി എന്നിവരുടെ മണ്ഡലമാണ് അമേതി, റായ്ബറേലി. കാലാകാലങ്ങളിലായ് ഈ മണ്ഡലങ്ങള്ക്ക് പ്രത്യേക പരിഗണനയാണ് നല്കിയിരുന്നത്.
ഇപ്പോള് ഉത്തര് പ്രദേശ് ഭരിക്കുന്നത് സമാജവാദി പാര്ട്ടിയാണ്. സമാജവാദി പാര്ട്ടി കേന്ദ്ര സര്ക്കാരിനെ പുറമേ നിന്ന് പിന്തുണക്കുന്നുണ്ടെങ്കിലും ഇടയ്ക്കിടയ്ക്കുള്ള അവരുടെ ഭിന്നത മറനീക്കുന്നതാണ് ഉത്തര്പ്രദേശിലെ ഈ സംഭവം. മുലയാസിംഗിന്റെ മകനും മുഖ്യമന്ത്രിയുമായ അഖിലേഷ് ദായവാണ് ഈ മണ്ഡലത്തിലെ പ്രത്യേക ആനുകൂല്യങ്ങള് എടുത്ത് കളഞ്ഞത്. ഇനിമുതല് അമേതിയിലും റായ്ബറിയിലും മറ്റുള്ള സ്ഥലങ്ങളില് പോലെ 4 മണിക്കൂര് പവര്ക്കെട്ടുണ്ടാവുമെന്നാണ് അറിയിച്ചത്. സംസ്ഥാനം കടുത്ത വൈദ്യുതി ക്ഷാമത്തിലാണ്. ഒരു പ്രത്യേക ജനതമാത്രം സുഖിക്കുന്നതു ശരിയല്ലെന്ന നിലപാടിലാണ് അഖിലേഷ് യാദവ്.
എന്നാല് അഖിലേഷിന്റേയും ഭാര്യയുടേയും മുലയാമിന്റേയും മണ്ഡലങ്ങള് ഇപ്പോഴും പവര്ക്കട്ട് ഇല്ലാത്ത സ്ഥലങ്ങളായി തുടരുന്നുമുണ്ട്. തെരഞ്ഞെടുപ്പ് അടുത്തു വരികയാണ്. ഇനിയും സോണിയയ്ക്കും രാഹുലിനും തന്റെ മണ്ഡലങ്ങളില് മത്സരിക്കാനുള്ളതുമാണ്. അതിനാല് ഉടന് തന്നെ കേന്ദ്രസര്ക്കാര് ശക്തമായി ഇടപെട്ട് പവര്ക്കട്ട് ഒഴിവാക്കി.
https://www.facebook.com/Malayalivartha
