എന്.ഡി. ടിവിയുടെ പ്രമോട്ടര്മാര്ക്കെതിരെ വിദേശനിക്ഷേപ ചട്ടങ്ങള് ലംഘിച്ചെന്ന് ആരോപിച്ച് സി.ബി.ഐ കേസെടുത്തു
എന്.ഡി. ടിവിയുടെ പ്രമോട്ടര്മാര്ക്കെതിരെ വിദേശനിക്ഷേപ ചട്ടങ്ങള് ലംഘിച്ചെന്ന് ആരോപിച്ച് സി.ബി.ഐ കേസെടുത്തു. എന്.ഡി. ടിവിയുടെ പ്രമോട്ടര്മാരായ പ്രണോയ് റോയ്ക്കും ഭാര്യ രാധിക റോയ്ക്കും മുന് സി.ഇ.ഒ വിക്രമാദിത്യ ചന്ദ്രയടക്കമുള്ളവര്ക്കെതിരെയാണ് സി.ബി.ഐ കേസെടുത്തിരിക്കുന്നത്.
നേരിട്ടുള്ള വിദേശ നിക്ഷേപ ചട്ടങ്ങള് ലംഘിച്ചെന്നാരോപിച്ചാണ് ഇവര്ക്കെതിരെ കേസെടുത്തിരിക്കുന്നത്. കുറ്റകരമായ ഗൂഢാലോചന, വഞ്ചന, അഴിമതി തുടങ്ങിയ കുറ്റങ്ങള് ചുമത്തിയാണ് കേസെടുത്തിരിക്കുന്നത്. 2004 മുതല് 2010 വരെ നികുതി ഇളവുള്ള രാജ്യങ്ങളില് 32 അനുബന്ധ സ്ഥാപനങ്ങള് ആരംഭിച്ചെന്നും ഇവിടങ്ങളില് നിന്ന് അനധികൃതമായി ഇന്ത്യയിലേക്ക് ഫണ്ട് നിക്ഷേപം എത്തിക്കുകയും ചെയ്തുവെന്നാണ് സി.ബി.ഐയുടെ ആരോപണം.
ഹോളണ്ട്, യു.കെ, ദുബായ്, മലേഷ്യ, മൗറീഷ്യസ് തുടങ്ങിയിടങ്ങളിലാണ് കമ്പനികളെന്നും എഫ്.ഐ.ആറില് പറയുന്നു.അതേസമയം കേസ് കെട്ടിച്ചമച്ചതാണെന്നും സ്വതന്ത്ര മാധ്യമ പ്രവര്ത്തനത്തെ നിശബ്ദമാക്കുകയാണ് ലക്ഷ്യമെന്നും എന്.ഡി. ടിവിയുടെ പ്രതികരിച്ചു. എന്.ഡി. ടിവിക്കെതിരെ വേറെയും കേസുകളുണ്ടെങ്കിലും ഒന്നിനും തെളിവ് കണ്ടെത്താനായിട്ടില്ലെന്നും പ്രസ്താവനയില് പറയുന്നു.
https://www.facebook.com/Malayalivartha