കശ്മീര്‍ വിഷയത്തില്‍ വീണ്ടും മധ്യസ്ഥ വാഗ്ദാനവുമായി അമേരിക്കന്‍ പ്രസിഡന്‍റ് ഡോ​ണ​ള്‍​ഡ്​ ട്രം​പ് രംഗത്ത്. ഇ​ന്ത്യ-​പാ​ക്കി​സ്ഥാ​ന്‍ പ്ര​ശ്ന പ​രി​ഹാ​ര​ത്തി​ന് മ​ധ്യ​സ്ഥ​ത വ​ഹി​ക്കാ​മെ​ന്ന് ​ട്രം​പ്ആവർത്തിച്ചു. പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​മാ​യും പാ​ക് പ്ര​ധാ​ന​മ​ന്ത്രി ഇ​മ്രാ​ന്‍ ഖാ​നു​മാ​യും ച​ര്‍​ച്ച ന​ട​ത്തു​മെ​ന്ന് ട്രം​പ് വ്യക്തമാക്കി. ഇ​രു രാ​ജ്യ​ങ്ങ​ളും ത​മ്മി​ലു​ള്ള ബ​ന്ധം മെ​ച്ച​പ്പെ​ട്ടി​ട്ടു​ണ്ടെ​ന്നും ട്രം​പ് പ​റ​ഞ്ഞു.

വൈ​റ്റ് ഹൗ​സി​ല്‍ മാ​ധ്യ​മ​പ്ര​വ​ര്‍​ത്ത​ക​രോ​ടാ​ണ് സംസാരിക്കവെയാണ് ട്രം​പിൻറെ വെളിപ്പെടുത്തൽ. നേ​ര​ത്തെ​യും പ്ര​ശ്ന​ത്തി​ല്‍ മ​ധ്യ​സ്ഥ​ത വ​ഹി​ക്കാ​മെ​ന്ന് ട്രം​പ് വ്യ​ക്ത​മാ​ക്കി​യി​രു​ന്നു. എ​ന്നാ​ല്‍, കാ​ഷ്മീ​ര്‍ ത​ങ്ങ​ളു​ടെ ആ​ഭ്യ​ന്ത​ര വി​ഷ​യ​മാ​ണെ​ന്നും മ​റ്റൊ​രു രാ​ജ്യ​ങ്ങ​ളും ആ ​പ്ര​ശ്ന​ത്തി​ല്‍ ഇ​ട​പെ​ടേ​ണ്ടെ​ന്നുമായിരുന്നു ഇ​ന്ത്യയുടെ നിലപാട്. ജി-7 ​ഉ​ച്ച കോ​ടി​ക്കി​ടെ ട്രം​പു​മാ​യി കൂ​ടി​ക്കാ​ഴ്ച ന​ട​ത്ത​വേ പ്ര​ധാ​ന​മ​ന്ത്രി ന​രേ​ന്ദ്ര​മോ​ദി നേ​രി​ട്ടും വി​ദേ​ശ​കാ​ര്യ വ​ക്താ​ക്ക​ള്‍ ഒ​ന്നി​ലേ​റെ ത​വ​ണ വാ​ര്‍​ത്താ സ​മ്മേ​ള​ന​ങ്ങ​ളി​ലൂ​ടെ​യും ഈ ​നി​ല​പാ​ട് ട്രം​പി​നോ​ട് വ്യ​ക്ത​മാ​ക്കി​യി​രു​ന്നു.

എന്നാൽ ഇന്ത്യ നിരസിച്ചിട്ടും കശ്മീര്‍ വിഷയത്തില്‍ മധ്യസ്ഥത വഹിക്കാന്‍ തയ്യാറാണെന്ന് ആവര്‍ത്തിച്ച് അമേരിക്കൻ പ്രസിഡന്റ് ഡൊണാള്‍ഡ് ട്രംപ് രംഗത്തെത്തിയിരുന്നു. ഇന്ത്യയും പാകിസ്ഥാനും ആവശ്യപ്പെട്ടാൽ കാശ്മീർ വിഷയത്തിൽ സഹായിക്കാൻ ഡൊണാൾഡ് ട്രംപ് തയ്യാറാണെന്ന് വൈറ്റ് ഹൗസും വ്യക്തമാക്കി. തര്‍ക്കം പരിഹരിക്കുന്നതിനുള്ള ശ്രമങ്ങള്‍ ഞങ്ങള്‍ നേരത്തെ തന്നെ നടത്തിവരുന്നുണ്ട്. എന്നാല്‍ നിലവില്‍ ഇരുരാജ്യങ്ങളും തമ്മില്‍ വലിയ പ്രശ്‌നങ്ങളാണ് നിലനില്‍ക്കുന്നത്. അത് കൊണ്ട് ഇക്കാര്യത്തില്‍ മധ്യസ്ഥത വഹിക്കുന്നതിനോ മറ്റു സഹായങ്ങള്‍ക്കോ ഞാന്‍ പരമാവധി ശ്രമിക്കുമെന്നാണ് ട്രംപിന്റെ നിലപാട്.

ഇന്ത്യയുടെ ആഭ്യന്തര വിഷയമാണെന്ന് അമേരിക്കന്‍ പ്രതിരോധ സെക്രട്ടറി മാര്‍ക് എസ്പറും ആവര്‍ത്തിച്ചിരുന്നു. കഴിഞ്ഞമാസവും സമാന പ്രസ്താവനയുമായി യു.എസ്. പ്രസിഡന്റ് ഡൊണാള്‍ഡ് ട്രംപ് രംഗത്തെത്തിയിരുന്നു. കശ്മീര്‍ വിഷയത്തില്‍ മധ്യസ്ഥത വഹിക്കാന്‍ പ്രധാനമന്ത്രി നരേന്ദ്രമോദി ആവശ്യപ്പെട്ടെന്നായിരുന്നു ട്രംപ് നേരത്തെ പറഞ്ഞിരുന്നത്. എന്നാല്‍ കശ്മീര്‍ വിഷയത്തില്‍ അമേരിക്കയുടെ സഹായം തേടിയിട്ടില്ലെന്നായിരുന്നു കേന്ദ്രത്തിന്റെ വിശദീകരണം.

കശ്മീര്‍ വിഷയത്തില്‍ ഉഭയകക്ഷി ചര്‍ച്ചകള്‍ മാത്രമേ നടത്തുവെന്നും മൂന്നാമതൊരു കക്ഷിയുടെ ഇടപെടല്‍ അംഗീകരിക്കില്ലെന്നുമാണ്‌ ഇന്ത്യയുടെ ഉറച്ച നിലപാട്‌. എന്നാല്‍ ഇതിന് വിരുദ്ധമായി മധ്യസ്ഥത വഹിക്കാമെന്നുള്ള ട്രംപിന്റെ പ്രസ്താവനകള്‍ പ്രതിഷേധങ്ങള്‍ക്ക് ഇടവരുത്തിയിരുന്നു.

കാശ്മീർ വിഷയത്തിൽ മൂന്നാംകക്ഷിയുടെ ആവശ്യമില്ലെന്നും ഇന്ത്യയും പാകിസ്ഥാനും തമ്മിൽ ചർച്ച ചെയ്ത് വിഷയം പരിഹരിക്കണമെന്നുമാണ് ഫ്രഞ്ച് പ്രസിഡൻറ് ഇമ്മാനുവൽ മാക്രോൺ പ്രതികരിച്ചത്. പ്രധാനമന്ത്രി നരേന്ദ്ര മോദിയുമായുള്ള കൂടിക്കാഴ്ചയ്ക്ക് ശേഷമായിരുന്നു മാക്രോണിന്റെ പ്രസ്താവന. ഭീകരതയ്ക്കെതിരെ ഒറ്റക്കെട്ടായി പോരാടുമെന്ന് ഇമ്മാനുവൽ മാക്രോണുമായുള്ള കൂടിക്കാഴ്ചയ്ക്ക് ശേഷം മോദി വ്യക്തമാക്കിയിരുന്നു.

എന്നാൽ അ​ടു​ത്ത ഞാ​യ​റാ​ഴ്ച ഹൂ​സ്റ്റ​ണി​ല്‍ ന​ട​ക്കു​ന്ന 'ഹൗ​ഡി മോദി " പ​രി​പാ​ടി​യി​ല്‍ പ​ങ്കെ​ടു​ക്കു​ന്ന ട്രം​പ്, ഇ​തി​നി​ട​യി​ല്‍ മോ​ദി​യു​മാ​യി ച​ര്‍​ച്ച ന​ട​ത്തു​മെ​ന്നാ​ണ് റി​പ്പോ​ര്‍​ട്ട്. ഈ ​മാ​സം അ​വ​സാ​നം ന്യൂ​യോ​ര്‍​ക്കി​ല്‍ ന​ട​ക്കു​ന്ന യു​എ​ന്‍ ജ​ന​റ​ല്‍ അ​സം​ബ്ലി​ക്കി​ട​യി​ല്‍ ഇ​മ്രാ​ന്‍ ഖാ​നു​മാ​യും ട്രം​പ് കൂ​ടി​ക്കാ​ഴ്ച ന​ട​ത്തും.

ഈ മാസം 21 മുതൽ 27 വരെയുള്ള സന്ദർശനത്തിനിടെ മോദി 27നു രാവിലെ യുഎൻ പൊതുസഭയെ അഭിസംബോധന ചെയ്യും. അതിനു മുൻപ് 22 നു ഹൂസ്റ്റണിൽ ഇന്ത്യൻ സമൂഹത്തിന്റെ സമ്മേളനത്തിലും പ്രസംഗിക്കും. ഹൂസ്റ്റണിലെ പ്രവാസി സമ്മേളനത്തിൽ സംബന്ധിച്ച ശേഷം മോദി ന്യൂയോർക്കിലേക്കു പോകും. മഹാത്മാഗാന്ധിയുടെ 150–ാം ജന്മവാർഷികത്തോടനുബന്ധിച്ച് 24ന് യുഎൻ ആസ്ഥാനത്തെ ഇക്കണോമിക് ആൻഡ് സോഷ്യൽ കൗൺസിൽ (ഇക്കോസോക്ക്) ചേംബറിൽ സംഘടിപ്പിക്കുന്ന യോഗത്തിൽ ‘നേതൃത്വം: സമകാലിക ലോകത്ത് ഗാന്ധിജിയുടെ പ്രസക്തി’ എന്ന വിഷയത്തെപ്പറ്റി നടക്കുന്ന ചർച്ചയിൽ പങ്കെടുക്കും. പ്രധാനമന്ത്രിയായി രണ്ടാം തവണ അധികാരമേറ്റ ശേഷം ആദ്യമാണ് മോദി യുഎന്നിൽ പ്രസംഗിക്കുന്നത്.

യുഎസിൽ 'ഹൗ ഡൂ യൂ ഡൂ?' എന്നതിനു പകരം ഉപയോഗിക്കുന്ന സൗഹൃദ അഭിവാദ്യമാണ് ഹൗഡി. ഇന്ത്യൻ- അമേരിക്കൻ സമൂഹത്തിൽ നിന്ന് ആവേശകരമായ പങ്കാളിത്തമാണ് മഹാസമ്മേളനത്തിനു ലഭിക്കുന്നത്. അരലക്ഷം കവിഞ്ഞപ്പോൾ റജിസ്ട്രേഷൻ‌ അവസാനിപ്പിച്ചു. 30 കോടി പേർ തൽസമയ സംപ്രേഷണം കാണും. മോദിയുടെ ഹൂസ്റ്റൺ പരിപാടിയിൽ പങ്കെടുക്കാൻ ഇന്ത്യ അനുകൂല സംഘത്തിന്റെ മുൻനിര പ്രവർത്തകൻ ബ്രാഡ് ഷെർമാനും യുഎസ് കോൺഗ്രസ് അംഗങ്ങളോട് അഭ്യർഥിച്ചിട്ടുണ്ട്.‌