ചാർജ് ചെയ്യാൻ വച്ച ഫോൺ പൊട്ടിത്തെറിച്ച് പതിനാലുകാരിക്ക് ദാരുണാന്ത്യം. തലയിണക്കരികിലായി ചാര്‍ജ്​ ചെയ്യാന്‍ വെച്ച മൊബൈല്‍ ഫോണായിരുന്നു പൊട്ടിത്തെറിച്ചത്. ​ ​ കസഖ്​സ്​താനിലെ ബാസ്​റ്റോബിലായിരുന്നു ഈ ​ സംഭവം നടന്നത്​. അല്‍വ അസെറ്റ്​സി അബ്​സാല്‍ബെക്​ എന്ന സ്​കൂള്‍ വിദ്യാര്‍ഥിക്കാണ് മരണം സംഭവിച്ചത്.

ചാര്‍ജ്​ ​ചെയ്യാന്‍ മൊബൈല്‍ ഫോണ്‍ സോക്കറ്റില്‍ കണക്​റ്റ്​ ചെയ്​ത ശേഷം പെൺകുട്ടി ​ അത്​ തലയിണക്കരികില്‍ വെച്ചു. ശേഷം​ കിടന്ന് ഉറങ്ങുകയായിരുന്നു. ഫോണില്‍ പാട്ട്​ വെച്ചിരിക്കുകയായിരിക്കുന്നു. അത് കൊണ്ടാണ് ​ അല്‍വ അത്​ ​കിടക്കയില്‍ തന്നെ വയ്ക്കാൻ കാരണം​. എന്നാല്‍ പുലര്‍​ച്ചയോടെ ഫോണ്‍ അമിതമായി ചൂടായി. അതോടെ ഫോണ്‍ പൊട്ടിത്തെറിച്ചു. പെൺക്കുട്ടിയുടെ തലക്ക്​ മാരകമായി പരിക്കേറ്റിരുന്നു. ​ മൊബൈല്‍ പൊട്ടിത്തെറിച്ചാണ് പെൺകുട്ടി ​ മരിച്ചതെന്ന്​ ഫോറന്‍സിക്​ അധികൃതര്‍ ഔദ്യോഗികമായി പറയുകയുണ്ടായി. എന്നാൽ ഏത്​ കമ്പനിയുടെ ഫോണാണ് പൊട്ടിതെറിച്ചതെന്ന് ​ അധികൃതര്‍ പറഞ്ഞിട്ടില്ല.