തെലങ്കാനയില്‍ വെറ്ററിനറി ഡോക്​ടറെ കൂട്ടബലാല്‍സംഗത്തിനിരയാക്കിയ പ്രതികള്‍ പൊലീസ്​ വെടിവെപ്പില്‍ കൊല്ലപ്പെട്ട സംഭവത്തില്‍ മനുഷ്യാവകാശ കമീഷന്‍ സ്വമേധയാ കേസെടുത്തു. മാധ്യമ വാര്‍ത്തകളുടെ ​അടിസ്ഥാനത്തിലാണ്​ കേസ്​. സംഭവത്തില്‍ തെലങ്കാന സര്‍ക്കാറിന്​ നോട്ടീസയക്കുകയും ചെയ്​തിട്ടുണ്ട്​.

തെലങ്കാന സംഭവത്തില്‍ കേന്ദ്ര ആഭ്യന്തര മന്ത്രാലയവും സംസ്ഥാന സര്‍ക്കാറിന്​ നോട്ടീസയച്ചിട്ടുണ്ട്​. പൊലീസ്​ വെടിവെപ്പിനെ ന്യായികരിച്ചും എതിര്‍ത്തും പ്രതികരണങ്ങള്‍ വരുന്നതിനിടെയാണ്​ സര്‍ക്കാറിന്​ ഇക്കാര്യത്തില്‍ നോട്ടീസ്​ ലഭിച്ചിരിക്കുന്നത്​. തെളിവെടുപ്പിനിടെ പ്രതികള്‍ പൊലീസിനെ ആക്രമിച്ച്‌​ രക്ഷപ്പെടാന്‍ ശ്രമിച്ചുവെന്നും ഇതിനെ പ്രതിരോധിക്കുന്നതിനിടെയാണ്​ വെടിവെപ്പുണ്ടാ​യതെന്നാണ്​ ​പോലീസ് പറയുന്നത്.
വ​നി​ത ഡോ​ക്​​ട​റെ കൂ​ട്ട​ബ​ലാ​ത്സം​ഗം ചെ​യ്​​ത് തീ കൊളുത്തി​ ക്രൂ​ര​മാ​യി കൊ​ല​പ്പെ​ടു​ത്തി​യ കേസിലെ നാലു പ്രതികള്‍ വെള്ളിയാഴ്​ച പുലര്‍ച്ചെയാണ്​ പൊലീസ്​ വെടിവെപ്പില്‍ കൊല്ലപ്പെട്ടത്​​.

വ്യാഴാഴ്ച പുലർച്ചെയാണ് ഹൈദരാബാദിലെ ഔട്ടർ റിങ് റോഡിലെ അടിപ്പാതയിൽ കത്തിക്കരിഞ്ഞ നിലയിൽ ഡോക്ടറുടെ മൃതദേഹം കണ്ടെത്തിയത്. തെലങ്കാനയിലെ നാരായൺപേട്ട് ജില്ലക്കാരനായ ട്രക്ക് ഡ്രൈവറും സഹായികളായ ഇരുപതുകാരായ മൂന്ന് യുവാക്കളുമാണ് കേസിലെ പ്രതികൾ. വെള്ളിയാഴ്ച രാവിലെയാണ് നാല് പ്രതികളെയും അവരുടെ വീടുകളിൽ നിന്ന് സൈബർബാദ് പൊലീസ് അറസ്റ്റ് ചെയ്തത്. ഡ്രൈ​വ​​റും മു​ഖ്യ​പ്ര​തിയുമായ ആ​രി​ഫ്​ (24), ലോ​റി ക്ലീ​ന​ര്‍​മാരായ ജോ​ലു ശി​വ (20), ജോ​ലു ന​വീ​ന്‍ (20), ചി​ന്ത​കു​ണ്ട ചെ​ന്ന​കേ​ശ​വ​ലു (20) എന്നിവരാണ്​ കൊല്ലപ്പെട്ടത്​.

നി​യ​മ​പ​ര​മാ​യ ന​ട​പ​ടി​ക്ര​മ​ങ്ങ​ള്‍ പൂര്‍ത്തിയാവും മുന്‍പ് അ​വ​രെ വെ​ടി​വ​യ്ക്കാ​ന്‍ പോ​കു​ക​യാ​ണെ​ങ്കി​ല്‍ കോ​ട​തി​ക​ളും നി​യ​മ​വും പോ​ലീ​സും എ​ന്തിനെന്നു ബി​ജെ​പി നേ​താ​വ് മേ​ന​ക ഗാ​ന്ധി ചോദിച്ചു. നി​ങ്ങ​ള്‍​ക്ക് നി​യ​മം കൈ​യി​ലെ​ടു​ക്കാ​ന്‍ ക​ഴി​യി​ല്ലെന്നും ​പ്ര​തി​ക​ളെ എ​ന്തു​വ​ന്നാ​ലും കോ​ട​തി തൂ​ക്കി​ക്കൊ​ല്ലു​മാ​യി​രു​ന്നുവെന്നും മേനക ഗാന്ധി പറഞ്ഞു.

ക​ഴി​ഞ്ഞ മാ​സം 27ന് രാത്രിയിലാണ് രാ​ജ്യ​ത്തെ ന​ടു​ക്കി​യ കൊ​ല​പാ​ത​കം ന​ട​ന്ന​ത്. സ​ര്‍​ക്കാ​ര്‍ മൃ​ഗാ​ശു​പ​ത്രി​യി​ലെ ഡോ​ക്ട​റാ​യ ഇ​രു​പ​ത്തി​യാ റു​കാ​രി​യാ​ണ് മാ​ന​ഭം​ഗ​ത്തി​നി​ര​യാ​യി കൊ​ല്ല​പ്പെ​ട്ട​ത്. വ്യാഴാഴ്ച പുലര്‍ച്ചെ ഹൈദരാബാദ്-ബംഗളൂരു ദേശീയ പാതയില്‍ കത്തിക്കരിഞ്ഞ നിലയില്‍ യുവതിയുടെ മൃതദേഹം കണ്ടെത്തുകയായിരുന്നു. തൊ​ട്ട​ടു​ത്ത ദി​വ​സം ത​ന്നെ മു​ഖ്യ​പ്ര​തി​യാ​യ ലോ​റി ഡ്രൈ​വ​ര്‍ മു​ഹ​മ്മ​ദ് പാ​ഷ എ​ന്ന ആ​രി​ഫ്, ജോ​ളു ന​വീ​ന്‍, ചി​ന്ന​കേ​ശ​വു​ലു, ജോ​ളു ശി​വ എ​ന്നി​വ​രെ പോ​ലീ​സ് അ​റ​സ്റ്റു ചെ​യ്തി​രു​ന്നു.