തിരുവനന്തപുരം നഗരസഭയിൽ ബിജെപി അധികാരത്തിൽ വന്നാൽ അനന്തമായ വികസനം നടക്കുമെന്നും, ബിജെപി യെ അധികാരത്തിൽ എത്തിക്കേണ്ടത് രാഷ്ട്രിയത്തിന് അതീതമായി നഗരത്തിൻ്റെ വികസനം ആഗ്രഹിക്കുന്നവരുടെ ഉത്തരവാദിത്വമാണന്നും ബിജെപി നേതാവ് കെ സുരേന്ദ്രൻ പറഞ്ഞു.

തിരുവനന്തപുരം നഗരത്തെ കൈയ്യയച്ച് സഹായിക്കാൻ നരേന്ദ്ര മോദി സർക്കാർ തയ്യാറാണെന്നും, അതിന് എല്ലാം സാധ്യതകളും മനസ്സിലാക്കി പ്രയോജനപ്പെടുത്തുന്ന ഒരു ഭരണ സംവിധാനം നിർഭാഗ്യവശാൽ തിരുവനന്തപുരം നഗരത്തിന് ഇല്ല.

സാധാരണക്കാരിയായി വന്നു എന്ന് അവകാശപ്പെടുന്ന തിരുവനന്തപുരത്തെ മേയർ ഏറ്റവും കൂടുതൽ ദ്രോഹിച്ചത് സാധാരണ ക്കാരെയാണന്നും, നഗരസഭയിലെ പട്ടിക ജാതി ഫണ്ട് വക മാറ്റി ചിലവാക്കിയത് അതിൻ്റെ ഒരു ചെറിയ ഉദാഹരണം മാത്രമാണന്നും കെ.സുരേന്ദ്രൻ പറഞ്ഞു.

ഇപ്പോഴത്തെ മേയറെ മത്സരിപ്പിക്കാനുള്ള ധൈര്യം പോലും സി പി എമ്മിന് ഇല്ലന്നും നിലവിലെ നഗര ഭരണ നേതൃത്വത്തിന് ഭരണത്തെ ക്കാൾ താത്പര്യം മോഷ്ടിക്കാനാണന്നും കെ സുരേന്ദ്രൻ തിരുവനന്തപുരത്ത് കാലടിയിൽ നടന്ന ബി ജെ പി സിറ്റി ജില്ലയിലെ ആറ്റുകാൽ മണ്ഡലം സംഘടിപ്പിച്ച തിരഞ്ഞടുപ്പ് ഓഫിസ് ഉദ്ഘാടന പരിപാടിയിൽ അരോപിച്ചു.