ന്യുജേഴ്സിയിൽ കാറും ട്രാക്ടർ ട്രെയിലറും കൂട്ടിയിടിച്ച് വാഹനാപകടം; മലയാളികളായ മുത്തശ്ശിയ്ക്കും കൊച്ചുമകൾക്കും ദാരുണാന്ത്യം
ന്യുജേഴ്സിയിലെ ചെസ്റ്ററിലുണ്ടായ വാഹനപകടത്തിൽ മലയാളികളായ രണ്ടു പേർ കൊല്ലപ്പെട്ടതായി റിപ്പോർട്ടുകൾ. മറിയാമ്മ തോമസ് (73), കൊച്ചുമകള് സോഫി (അഞ്ചു വയസ്) എന്നിവരാണ് അപകടത്തിൽ മരിച്ചത്. വാഹനമോടിച്ചിരുന്ന മറിയാമ്മയുടെ ഭര്ത്താവ് ചെറിയാന് തോമസിനെ പരിക്കുകളോടെ മോറിസ് ടൗണ് മെഡിക്കല് സെന്ററില് പ്രവേശിപ്പിച്ചിരിക്കുകയാണ്.
ഫര്ണസ് റോഡ് 206 ഇന്റര് സെക്ഷനിലായിരുന്നു അപകടം. ഇവര് സഞ്ചിരിച്ചിരുന്ന കാര് റോഡിനു ഇടത്തോട്ട് തിരിയുമ്പോൾ ട്രാക്ടര് ട്രെയിലര് വന്നിടിക്കുകയായിരുന്നു. അതേസമയം ട്രാക്ടര് ഓടിച്ചിരുന്ന ഡ്രൈവര്ക്ക് കാര്യമായി പരിക്കേറ്റിട്ടില്ല.
42 വര്ഷമായി ലിന്ഡണില് താമസിക്കുന്ന മറിയാമ്മ ട്രിനിറ്റാഡ് റീജിയന് മെഡിക്കല് സെന്ററിലെ (ന്യൂജഴ്സി) രജിസ്ട്രേഡ് നഴ്സായിരുന്നു. എരുമേലി കിഴക്കേപള്ളിയില് കുടുംബാംഗമാണ്. മറിയാമ്മ തോമസിന്റെ മകളും അറ്റോര്ണിയുമായ ടിനി തോമസിന്റെ മകളാണ് സോഫി. അതേസമയം അപകടം നടന്ന സ്ഥലത്ത് ഇതിനു മുൻപും നിരവധി അപകടങ്ങള് സംഭവിച്ചിട്ടുണ്ടെന്നു പോലീസ് പറയുന്നു. ഈസ്റ്റ് ബ്രൗണ്സില് സെന്റ് സ്റ്റീഫന് മാര്ത്തോമാ ഇടവകാംഗങ്ങളാണ് ഇവര്. സംസ്കാര ശുശ്രൂഷ നവംബര് 12,13 തീയതികളില് ന്യൂജഴ്സിയില് വച്ച് നടത്തും.
https://www.facebook.com/Malayalivartha
