എന്നും പ്രവാസികൾക്കൊപ്പം ! ; സൗദി എംബസി അറ്റസ്റ്റേഷനും ഇനി നോർക്ക റൂട്സ് വഴി
സൗദി അറേബ്യയിലേക്കുള്ള ഉദ്യോഗാർഥികളുടെ എംബസി അറ്റസ്റ്റേഷൻ ഇനി നോർക്ക റൂട്സ് വഴിയായിരിക്കുമെന്ന് അധികൃതർ. നോര്ക്ക റൂട്ട്സിന്റെ തിരുവനന്തപുരം, കൊച്ചി, കോഴിക്കോട്, റീജിയണല് ഓഫീസുകള് വഴിയാണ് സൗകര്യം ഒരുക്കിയിരിക്കുന്നത്. ഇതോടെ, എല്ലാ ജി.സി.സി രാജ്യങ്ങളിലേയും എംബസി അറ്റസ്റ്റേഷന് നോർക്കയുടെ സേവനം ലഭ്യമാകും.
എന്നും പ്രവാസികൾക്കൊപ്പമെന്ന ആപ്തവാക്യം അന്വർഥമാക്കിയാണ് ഉദ്യോഗാർഥികൾക്ക് അറ്റസ്റ്റേഷൻ നടപടികൾ ലളിതമാക്കാൻ നോർക്കയുടെ ഇടപെടലുണ്ടാകുന്നത്. സൗദി അറേബ്യയിലേക്കു ജോലിക്കു പോകുന്ന മലയാളികളുടെ സർട്ടിഫിക്കേറ്റുകൾ സാക്ഷ്യപ്പെടുത്താൻ ഇനി നോർക്കയെ സമീപിച്ചാൽ മതിയാകും.
മുൻപ് ഡൽഹി, മുംബൈ തുടങ്ങിയ സ്ഥലങ്ങളിൽ കാലതാമസമെടുത്ത് ലഭിച്ചിരുന്ന സേവനമാണ് നോർക്കയുടെ കാര്യക്ഷമതകൊണ്ട് കേരളത്തിൽ തന്നെ ലഭ്യമാകുന്നത്. ഖത്തർ, ബഹ്റൈൻ, കുവൈത്ത്, സൗദി അറേബ്യ എന്നീ രാജ്യങ്ങളുടെ എംബസി അറ്റസ്റ്റേഷൻ ഈ വർഷമാണ് നോർക്ക വഴി ലഭിച്ചു തുടങ്ങിയത്.
സര്ട്ടിഫിക്കറ്റ് ഒന്നിന് 3500 രൂപയാണ് ഫീസ് ഈടാക്കുന്നത്.അതോടൊപ്പം അതതു സര്വ്വകലാശാലകളുടെ പരിശോധനാഫീസും,നോര്ക്കയുടെ സര്വ്വീസ് ചാര്ജ്ജും ഈടാക്കും. കേരളത്തില് നിന്നുള്ള സര്വ്വകലാശാലകളുടെ സര്ട്ടിഫിക്കറ്റുകളാണ് അറ്റസ്റ്റ് ചെയ്യുക.കൂടുതല് വിവരങ്ങള്ക്ക് www.norkaroots.net എന്ന വൈബ്സൈറ്റ് സന്ദര്ശിക്കുക.
https://www.facebook.com/Malayalivartha