ദുബായിയിൽ ജുമൈറ ബീച്ചില്‍ വിനോദ സഞ്ചാരികൾ യാത്ര ചെയ്ത ബോട്ട് മുങ്ങി. തീരത്ത് നിന്ന് കുറച്ച് അകലെയാണ് അപകടമുണ്ടായത്. വ്യാഴാഴ്ച്ചയാണ് അപകടം ഉണ്ടായത്. യാത്രക്കാരെയും ബോട്ട് ജീവനക്കാരെയും പോലീസ് രക്ഷിച്ചു. റഷ്യന്‍, ഫ്രഞ്ച്, ബ്രിട്ടീഷ് പൗരന്മാരടങ്ങിയ സംഘം യാത്ര ചെയ്യുന്നതിനിടെയാണ് ബോട്ട് മുങ്ങിയത്.

എട്ട് വിനോദ സഞ്ചാരികളും മൂന്ന് ജീവനക്കാരുമാണ് ബോട്ടിലുണ്ടായിരുന്നതെന്ന് പൊലീസ് അറിയിച്ചു. ആര്‍ക്കും പരിക്കേല്‍ക്കുകയോ മറ്റ് അപകടങ്ങള്‍ സംഭവിക്കുകയോ ചെയ്തില്ലെന്ന് പൊലീസ് പറഞ്ഞു. എന്നാൽ ഇതുവരെ ബോട്ട് മുങ്ങാനുള്ള കാരണം കണ്ടെത്തിയിട്ടില്ല.