സൗദിയിൽ ടെലികോം -ഐടി മേഖലയിൽ കൂടുതൽ സ്വദേശികൾക്ക് അവസരമൊരുക്കാൻ സൗദി ഭരണകൂടം നടപടികൾ തുടങ്ങി . സ്വദേശികൾക്കായി 15,000 തൊഴിലവസരങ്ങൾ എങ്കിലും ഈ മേഖലയിൽ ലഭ്യമാക്കാനാടാണ്‌ ലക്ഷ്യമിടുന്നത്.ടെലികോം ഐ ടി മന്ത്രാലയവും തൊഴിൽ സാമൂഹ്യ വികസന മന്ത്രാലയവും സൗദി കൗൺസിൽ ഓഫ് ചേമ്പേഴ്സ് മാനവശേഷി വികസന നിലയും ചേർന്നാണ് പദ്ധതി നടപ്പിലാക്കുന്നത്.

നെറ്റ് വർക്ക് ടെക്‌നീഷ്യൻ , കമ്പ്യൂട്ടർ എഞ്ചിനീയർ, പ്രോജക്ട് മാനേജ്മെൻറ് സിസ്റ്റമായ ലിസ്റ്റ് പ്രോഗ്രാമിംഗ് എന്നീ മേഖലയിലാണ് സ്വദേശിവൽക്കരണത്തിൽ മുൻഗണ നൽകുന്നത്. അടുത്ത വർഷം അവസാനത്തോടz ഈ മേഖലയിൽ 15000 ലേറെ സ്വദേശികൾക്കു തൊഴിലവസരം ലഭ്യമാക്കുകയാണ് ലക്ഷ്യം. നിലവിൽ ഈ മേഖലയിൽ സ്വദേശിവൽക്കരണ തോത് 43 ശതമാനമാണ്. 2016 -ൽ ഇത് 37% ആയിരുന്നു. ഈ മേഖലയിലെ വനിതാ പങ്കാളിത്തം 11 ശതമാനത്തിൽ നിന്ന് 13 ശതമാനമായി ഉയർന്നതായും മന്ത്രാലയം അറിയിച്ചു.