ടാങ്കര്‍ ലോറി മറിഞ്ഞ് ഒമാനില്‍ കോഴിക്കോട് സ്വദേശിയ്ക്ക് ദാരുണാന്ത്യം. കുറ്റിയാടി നരിക്കൂട്ടുംചാലില്‍ പുതിയേടത്ത് അഷ്‌റഫ് (50) ആണ് മരിച്ചത്. ബാത്തിന എക്‌സ്പ്രസ്‌വേയില്‍ സുവൈഖിനടുത്ത് ശനിയാഴ്ച ഉച്ചക്കുശേഷമായിരുന്നു അപകടം. ഹെവി െ്രെഡവറായി ജോലിചെയ്തുവരുകയായിരുന്ന അഷ്‌റഫ് ഓടിച്ചിരുന്ന ടാങ്കര്‍ നിയന്ത്രണം വിട്ട് ഡിവൈഡറിലും പോസ്റ്റിലും ഇടിച്ച ശേഷം മറിയുകയായിരുന്നു.

മൂന്നു മണിയോടെ ഖാബൂറ ആശുപത്രിയില്‍ എത്തിച്ചിരുന്നെങ്കിലും മരിച്ചതായി സുഹൃത്തുക്കള്‍ പറഞ്ഞു. നാദാപുരം എടച്ചേരി സ്വദേശിയായ അഷ്‌റഫ് 10 വര്‍ഷത്തിലധികമായി ഒമാനിലുണ്ട്. നേരത്തേ നാദാപുരം ടൗണില്‍ ടാക്‌സി െ്രെഡവറായും ജോലി ചെയ്തിരുന്നു. സുഹാര്‍ ആശുപത്രി മോര്‍ച്ചറിയില്‍ സൂക്ഷിച്ചിട്ടുള്ള മൃതദേഹം നാട്ടിലേക്കയക്കാനുള്ള പ്രവര്‍ത്തനങ്ങള്‍ കെ.എം.സി.സി നേതൃത്വത്തില്‍ നടന്നുവരുന്നു.