പ്രവാസികൾക്ക് സന്തോഷ വാർത്ത . കുവൈറ്റ് തിരനോട്ടം 2018 -ന്റെ ഒരുക്കങ്ങൾ പൂർണമായി. മലയാളത്തിന്റെ സ്വന്തം താര രാജാവായ നടന വിസ്മയം മോഹന്‍ലാൽ തന്റെ അഭിനയജീവിതത്തിന് 40 വര്‍ഷങ്ങള്‍ പൂർത്തിയാക്കിയതിൽ ആദരവ് അർപ്പിച്ച് നടത്തുന്ന തിരനോട്ടത്തിന്റെ ഒരുക്കങ്ങളാണ് കുവൈറ്റിൽ പൂർത്തിയായിരിക്കുന്നത്.

ടെസ്കാസ് കുവൈറ്റും ഉയരങ്ങളില്‍ എന്‍റര്‍പ്രൈസസും സംയുക്തമായാണ് ത് തിരനോട്ടം 2018 സംഘടിപ്പിക്കുന്നത്.മോഹന്‍ലാല്‍ ഉൾപ്പെടെയുള്ള മേഖലയിലെ പ്രമുഖ താരങ്ങള്‍ പങ്കെടുക്കുന്ന തിരനോട്ടത്തിന്റെ ഒരുക്കങ്ങള്‍ പൂര്‍ത്തിയായതായി സംഘാടകര്‍ അറിയിച്ചു. ജനുവരി 18 വെള്ളിയാഴ്ച വൈകിട്ട് 6 മണി മുതല്‍ കുവൈത്ത് ഹവല്ലി പാര്‍ക്ക് ഓഡിറ്റോറിയത്തിലാണ് പരിപാടി.