യുഎഇ തൊഴിലന്വേഷകർക്കുള്ള ആറ് മാസത്തെ താൽക്കാലിക വിസ പൊതുമാപ്പ് കാലാവധി അവസാനിച്ചതോടെ നിർത്തലാക്കി
യുഎഇ യിൽ നിലവിലുണ്ടായിരുന്ന ആറു മാസക്കാലത്തേക്കുള്ള താല്കാലിക വിസ നിർത്തലാക്കി. തൊഴിൽ അന്വേഷകർക്ക് ഏറെ സൗകര്യപ്രദമായിരുന്നു ഈ വിസ. പൊതുമാപ്പ് സമയത്ത് അനധികൃത താമസക്കാര്ക്ക് സഹായമെന്ന തരത്തില് അനുവദിച്ച വിസയായിരുന്നു ഇത്. ഇപ്പോൾ പൊതുമാപ്പ് കാലാവധി അവസാനിച്ചതോടെയാണ് ഈ വിസ നിർത്തലാക്കിയത്.
എന്നാല് പൊതുമാപ്പ് അവസാനിച്ച ശേഷവും ഇത്തരം വിസ ലഭിക്കുമോയെന്ന് നിരവധി അന്വേഷണങ്ങളാണ് ലഭിക്കുന്നതെന്ന് റെസിഡന്സി ആന്റ് ഫോറിന് അഫയേഴ്സ് ഡയറക്ടറേറ്റ് അറിയിച്ചു.
യുഎഇയിലെ പൊതുമാപ്പ് കാലാവധി രണ്ട് തവണ നീട്ടി നല്കിയിരുന്നു. ഡിസംബര് 31 നാണു പൊതുമാപ്പ് അവസാനിച്ചത്
പൊതുമാപ്പ് കാലയളവില് അനധികൃത താമസക്കാര്ക്ക് പിഴയടയ്ക്കാതെ രേഖകള് ശരിയാക്കുകയോ നാട്ടിലേക്ക് മടങ്ങുകയോ ചെയ്യാനുള്ള അവസരമുണ്ടായിരുന്നു. ജോലി നഷ്ടപ്പെട്ട് അനധികൃതമായി കഴിഞ്ഞിരുന്നവര്ക്ക് പൊതുമാപ്പ് ഉപയോഗപ്പെടുത്തി ഇത്തരം വിസ വാങ്ങി ആറ് മാസത്തിനകം രാജ്യത്ത് പുതിയ ജോലി കണ്ടെത്താനുള്ള അവസരം ഉണ്ടായിരുന്നു.
വിസ കാലാവധി കഴിയുന്നതിന് മുന്പ് പുതിയ ജോലി ലഭിച്ചാല് തൊഴില് വിസയിലേക്ക് മാറണം. ആറ് മാസത്തിനകം ജോലി ലഭിച്ചില്ലെങ്കില് മടങ്ങിപ്പോകണം എന്നായിരുന്നു നിയമം.. പിന്നീട് പുതിയ സന്ദര്ശക വിസയില് മാത്രമേ ഇവര്ക്ക് വീണ്ടും ജോലി അന്വേഷികാനായി വരാൻ പറ്റുകയുള്ളു .
പൊതുമാപ്പ് അവസാനിച്ചതോടെ ആറ് മാസത്തെ താല്കാലിക വിസ നല്കുന്നതും അവസാനിപ്പിച്ചു. എന്നാല് താല്കാലിക വിസയെക്കുറിച്ച് പിന്നീട് അറിയിപ്പുകള് ഒന്നും ലഭിക്കാത്തതിനാൽ ഇപ്പോഴും ധാരാളം ആളുകൾ താൽക്കാലിക വിസ ലഭിക്കുമെന്ന ധാരണയിൽ അന്വേഷിച്ചു വരുന്നുണ്ടെന്നു അധികൃതർ വ്യക്തമാക്കി
https://www.facebook.com/Malayalivartha