മതിയായ ഭക്ഷണവും വെളളവും ലഭിക്കാതെ ഇറാനിലെ ഒറ്റമുറയില്‍ കുടുങ്ങിയ മ​ത്സ്യ​ത്തൊ​ഴി​ലാ​ളി​ക​ള്‍ക്കായി കേന്ദ്ര ഇടപെടൽ. കോവി‍ഡ് 19 ഇല്ലെന്ന് ഉറപ്പാക്കിയാല്‍ വിമാനത്തില്‍ നാട്ടിലെത്തിക്കും. ഇറാന്‍ അധികൃതരുമായി വിദേശകാര്യ മന്ത്രാലയം ചർച്ച നടത്തി. ഇ​റാ​നി​ലെ തീ​ര​ന​ഗ​ര​മാ​യ അ​സലൂരി​​ലാ​ണ് മ​ല​യാ​ളി​ക​ള്‍ ഉ​ള്‍​പ്പെ​ടെ 23 പേ​ര്‍ കുടുങ്ങിക്കിടക്കുന്നത്. ഇതിൽ മത്സ്യബന്ധന വിസയില്‍ തിരുവനന്തപുരത്തുനിന്നും ഇറാനിലേക്ക് പോയ 17 തൊഴിലാളികളുണ്ട്.

പൊഴിയൂര്‍, വിഴിഞ്ഞം , മരിയനാട് സ്വദേശികളണ് ഇവര്‍ . ഇ​വ​രെ​ല്ലാം ഒ​രു മു​റി​യി​ലാ​ണ് ക​ഴി​യു​ന്ന​ത്. മലയാളികളും തമിഴ്നാട്ടില്‍ നിന്ന് ഉള്ളവരും അടക്കം എണ്ണൂറോളം പേര്‍ ഇത്തരത്തില്‍ കുടുങ്ങി കിടക്കുന്നുണ്ട് . ഇ​റാ​നി​ല്‍ കൊ​റോ​ണ പ​ട​രു​ന്ന പ​ശ്ചാ​ത്ത​ല​ത്തി​ല്‍ ഇ​വ​ര്‍​ക്ക് ആ​ര്‍​ക്കും പു​റ​ത്തി​റ​ങ്ങാ​ന്‍ പ​റ്റാ​ത്ത സാ​ഹ​ച​ര്യ​മാ​ണ് ഉ​ള്ള​ത്. ഭ​ക്ഷ​ണം പോ​ലും ല​ഭി​ക്കാ​ത്ത അ​വ​സ്ഥ​യാ​ണ് ഇ​പ്പോ​ഴു​ള്ള​തെ​ന്നും അ​വ​ര്‍ അ​റി​യി​ച്ചു. വിഴിഞ്ഞത്ത് നിന്നുള്ള മ​ല​യാ​ളി മ​ത്സ്യ​ത്തൊ​ഴി​ലാ​ളി​ക​ള്‍ നാ​ലു മാ​സം മുമ്പാണ് ഇ​റാ​നി​ലേ​ക്ക് പോ​യ​ത്.