തനിക്ക് മാത്രമല്ല മുഴുവന് പ്രവാസി ഇന്ത്യക്കാര്ക്കുമുള്ള അംഗീകാരമാണിത്- സൗദി അറേബ്യയില് പ്രീമിയം റെസിഡന്സി പെര്മിറ്റ് ലഭിക്കുന്ന ആദ്യ ഇന്ത്യക്കാരനായി ലുലു ഗ്രൂപ്പ് ചെയര്മാന് എംഎ യൂസഫലി
ലുലു ഗ്രൂപ്പ് ചെയര്മാന് എംഎ യൂസഫലി സൗദി അറേബ്യയില് പ്രീമിയം റെസിഡന്സി പെര്മിറ്റ് ലഭിക്കുന്ന ആദ്യ ഇന്ത്യക്കാരനായി. തനിക്ക് മാത്രമല്ല മുഴുവന് പ്രവാസി ഇന്ത്യക്കാര്ക്കുമുള്ള അംഗീകാരമാണിതെന്ന് എം.എ യൂസഫലി പ്രതികരിച്ചു. സൗദി പൗരന്മാര്ക്ക് രാജ്യത്ത് ലഭിക്കുന്ന അവകാശങ്ങളില് ഭൂരിഭാഗവും വിദേശികള്ക്ക് കൂടി ലഭിക്കുന്ന പ്രീമിയം ഇഖാമ നടപ്പാക്കാന് കഴിഞ്ഞ മേയ് മാസത്തിലാണ് സൗദി മന്ത്രിസഭ തീരുമാനിച്ചത്
സൗദി പൗരന് സ്പോണ്സറായി ആവശ്യമില്ലാതെ വിദേശികള്ക്ക് രാജ്യത്ത് വ്യവസായങ്ങള് നടത്താനും തൊഴില് ചെയ്യാനും അനുവദിക്കുന്ന പ്രത്യേക താമസ രേഖയാണ് പ്രീമിയം ഇഖാമ. സൗദി പ്രീമിയം റെഡിസന്സി സെന്റര് സാമൂഹിക മാധ്യമങ്ങളിലൂടെ പുറത്തുവിട്ട വീഡിയോയിലാണ് എം.എ യൂസഫലിക്ക് പ്രീമിയം റെസിഡന്സി അനുവദിച്ച വാര്ത്ത പുറത്തുവിട്ടത്.
'തനിക്ക് മാത്രമല്ല എല്ലാ പ്രവാസികള്ക്കുമുള്ള അംഗീകാരമാണിത്. കൂടുതല് നിക്ഷേപങ്ങള് രാജ്യത്തേക്ക് ആകര്ഷിക്കാനും മേഖലയിലെ പ്രധാന ബിസിനസ് ഹബ്ബായി സൗദി അറേബ്യയെ കൂടുതല് നേട്ടങ്ങളിലെത്തിക്കാനും സ്ഥിര താമസാനുമതി നല്കുന്ന പദ്ധതിയിലൂടെ സാധിക്കുമെന്നും യൂസഫലി പറഞ്ഞു.'
https://www.facebook.com/Malayalivartha