കൊറോണ പടരുന്നു.. ബഹ്റൈനിലെ വിദ്യാഭ്യാസ സ്ഥാപനങ്ങള്‍ക്ക് അവധി മാര്‍ച്ച് 29 വരെ...
കൊറോണ വൈറസ് നിയന്ത്രണാതീതമാകാത്തതിനെ തുടർന്ന് ബഹ്റൈനിലെ വിദ്യാഭ്യാസ സ്ഥാപനങ്ങളുടെ അവധി മാര്‍ച്ച് 29 വരെ നീട്ടി. കിന്റര്‍ഗാര്‍ട്ടനുകള്‍ മുതല്‍ ഉന്നത വിദ്യാഭ്യാസ സ്ഥാപനങ്ങള്‍ വരെയുള്ള വിദ്യാഭ്യാസ സ്ഥാപങ്ങൾക്ക് ഇത് ബാധകമാണ് .. പൊതുമേഖലയിലും , സ്വകാര്യ മേഖലകളിലെയും എല്ലാ വിദ്യാഭ്യാസ സ്ഥാപനങ്ങള്‍ക്കും അവധി ബാധകമാണ്.
വിദ്യാർത്ഥികൾക്ക് അവധിയാണെങ്കിലും അധ്യാപക, അനധ്യാപക ജീവനക്കാര്‍ ഞായറാഴ്ച മുതല്‍ ജോലിക്കെത്തണമെന്ന് വിദ്യാഭ്യാസ മന്ത്രാലയം അറിയിച്ചു. കിരീടാവകാശി സല്‍മാന്‍ ബിന്‍ ഹമദ് അല്‍ ഖലീഫയുടെ അധ്യക്ഷതയില്‍ ചേര്‍ന്ന ഗവണ്‍മെന്റ് എക്സിക്യൂട്ടീവ് കമ്മിറ്റി യോഗത്തിലാണ് ഇത് സംബന്ധിച്ച തീരുമാനമെടുത്തത്
ദുബായിലെയും ഷാര്‍ജയിലെയും വിമാനത്താവളങ്ങളില്‍ നിന്നുള്ള സര്‍വീസുകള്‍ക്ക് ബഹ്റൈന്‍ ഏര്‍പ്പെടുത്തിയിരുന്ന വിലക്ക് തുടരുന്നു . 48 മണിക്കൂറിലേക്കാണ് ആദ്യം ബഹ്റൈന്‍ സിവില്‍ ഏവിയേഷന്‍ അതോരിറ്റി നിയന്ത്രണം പ്രഖ്യാപിച്ചിരുന്നതെങ്കിലും പിന്നീട് രണ്ട് തവണയായി വിലക്ക് നീട്ടി .
ഇറാനില്‍ നിന്ന് ബഹ്റൈനിലേക്കുള്ള യാത്രക്കാര്‍ ട്രാന്‍സിറ്റിനായി ഏറ്റവുമധികം ഉപയോഗിക്കുന്നത് ദുബായ്, ഷാര്‍ജ വിമാനത്താവളങ്ങളാണ്. ഇറാനില്‍ നിന്ന് ഇങ്ങനെയെത്തിയ നിരവധി പേര്‍ക്ക് ബഹ്റൈനില്‍ കൊറോണ സ്ഥിരീകരിച്ചതോടെയാണ് അധികൃതര്‍ വിമാന സര്‍വീസുകള്‍ക്ക് വിലക്കേര്‍പ്പെടുത്തിയത്.
https://www.facebook.com/Malayalivartha
