ഇന്ത്യയിലേക്കുള്ള വഴിയടച്ച് ഗൾഫ് രാഷ്ട്രങ്ങൾ; ദിനംപ്രതി വർധിച്ച് കൊറോണ ബാധിതർ
പ്രവാസലോകത്ത് കൂടുതൽ കൊറോണ റിപ്പോർട്ട് ചെയ്യപ്പെടുന്ന സാഹചര്യത്തിൽ മസ്കത്തിൽ നിന്നു ദുബായിലേക്കുള്ള ബസ് സർവീസുകൾ നിർത്തിവച്ചതായി മുവസലാത്ത്. കൊറോണ നിയന്ത്രണ നടപടികൾക്കു മേൽനോട്ടം വഹിക്കുന്ന പരമോന്നത സമിതിയുടെ നിർദേശപ്രകാരമാണിത് എന്നാണ് റിപോർട്ടുകൾ വ്യക്തമാക്കുന്നത്. ഇനിയൊരു അറിയിപ്പ് ഉണ്ടാകും വരെ സർവീസ് ഒന്നും തന്നെ ഉണ്ടാകില്ല. എന്നാൽ തന്നെയും മലയാളികളടക്കം ഒട്ടേറെ പേർ ആശ്രയിച്ചിരുന്ന സർവീസ് ആണിത്. ഒമാനിലെയും ദുബായിലെയും പ്രധാന കേന്ദ്രങ്ങളെ ബന്ധിപ്പിച്ചായിരുന്നു സർവീസ് നടത്തിയിരുന്നത്. മസ്കത്തിൽ നിന്നുള്ള ബസ് ഷിനാസിൽ യാത്ര അവസാനിപ്പിച്ച് മടങ്ങുകായും ചെയ്യും.
അതേസമയം ബസുകൾ സർവീസ് തുടങ്ങുമ്പോഴും അവസാനിപ്പിക്കുമ്പോഴും അണുവിമുക്തമാക്കാനും നിർദേശം നൽകി. സീറ്റുകളടക്കം തുടച്ചു വൃത്തിയാക്കുക്കുകയും, എല്ലാ ബസുകളിലും ഹാൻഡ് സാനിറ്റൈസറുകൾ ഉണ്ടാകുന്നതായിരിക്കും, തിരക്ക് ഒഴിവാക്കാൻ നിന്നു യാത്രചെയ്യാൻ അനുവദിക്കുകയുമില്ല. ബസിൽ കയറും മുൻപ് യാത്രക്കാരുടെ ശരീര ഊഷ്മാവ് പരിശോധിക്കുകയും ചെയ്യുന്നതായിരിക്കും.
അതോടൊപ്പം തന്നെ അബുദാബി രാജ്യാന്തര വിമാനത്താവളത്തിലെ ടെർമിനൽ 2 അടച്ചത് ഏറെ ആശങ്കയുളവാക്കുന്നു. ഇവിടെനിന്നും സർവീസ് നടത്തിയിരുന്ന വിമാനങ്ങൾ ഇനി ടെർമിനൽ1ൽ നിന്നായിരിക്കും സർവീസ് നടത്തുകയെന്നു വിമാനത്താവള അധികൃതർ അറിയിക്കുകയും ചെയ്യുന്നതായിരിക്കും. എവിടെ നിന്ന് പാക്കിസ്ഥാനിൽനിന്നുള്ള സ്വകാര്യ വിമാന കമ്പനിയായ എയർ ബ്ലൂ, ബംഗ്ലദേശിന്റെ ബിമാൻ എയർലൈനുകൾ മാത്രമാണ് സർവീസ് നടത്തിയിരുന്നത്.
https://www.facebook.com/Malayalivartha